Home Hudicial Huez a haya cu homber a hasi basta cos for di sla,...

Huez a haya cu homber a hasi basta cos for di sla, pero no tabata tin suficiente prueba di abuso sexual

0
1
SHARE
- Advertisement -

*Huez a haya cu declaracion di e mucha so, no tabata suficiente
ORANJESTAD(AAN): Loreto W. a presenta dilanti di huez Diahuebs, pa scucha veredicto di huez den un caso contra dje. Loreto W. a wordo acusa di a comete abuso sexual riba un mucha.
Huez a cuminza na bisa cu e no ta haya suficientemente comproba cu L.W a comete abuso sexual riba e mucha. El a splica cu a acusacion ta bisa cu e homber lo a haci diferente cos cu e mucha incluyendo mishi cune na cierto partinan di su curpa y hinca lenga den su orea, pero segun huez, no tin para cu e homber lo a hasi tur e actonan aki na mesun momento.
Ademas di esaki huez a bisa cu e unico prueba cu lo tin ta solamente declaracion di e mucha.
Pa yega na un castigo, bo mester mas evidencia hunto cu e declaracion. Huez a bisa si cu e homber a admiti di e sunchi e mucha riba su cara y na su boca, pero sunchi na cara no ta castigable.

Segun huez, sunchi e mucha riba su boca si ta castigable, pero e acusacion aki no ta para riba e citacion. E acusado a desmenti di a mishi partinan intimo di e mucha. El a desmenti tambe di a saca su parti intimo y mustra e mucha.

Segun huez ruman di e mucha a bisa cu e homber a saca su parti intimo, pero e ruman mes no a wak. Ta hende a bise cu esey lo a sosode. Huez a bisa cu ta straño cu e mucha a bisa cu na prome instancia e no a bisa kico tabata pasando pa miedo di e homber, mirando cu testigonan a bisa cu e mucha tabata sigui bay cerca e homber y tabata sinta riba su scochi etc.

Huez a bisa tambe cu e ta haya straño cu mama di e mucha a gana cerca polis. E acusado a bisa polis cu el a bisa e mama cu e mucha a bise na dado momento cu e ta “kesha”. Sinembargo e mama cerca polis a bisa cu na ningun momento e homber a bise esaki.

Den corte sinembargo e mama a bisa huez cu awor e ta corda cu e homber a bise loke e mucha a bisa. Loke a pone huez duda tambe cu e homber di berdad tabata culpable, ta e hecho cu el a bisa cu e mucha a bisa cu e ta kesha.

Segun huez, si e homber tabata tin intencionnan menos bon cu e mucha, e lo no a trece loke e mucha a bisa dilanti. Esaki no ta kita afor sinembargo, cu huez ta haya cu e homber tabata hasi algun cos for di sla.

No ta normal pa un homber grandi duna un mucha cu no ta su yiu sunchi na boca. Loke huez tambe a haya cu ta comportacion for di sla, ta cu e homber tabata cana rond bisa cu e mucha ta su casa.

E homber a splica esaki bisando cu e tabata kiermen esaki como algo spiritual, pero huez a bisa cu e ta lesa bijbel y cu e hecho no tin nada biblico cune. Un otro cos straño cu e homber a hasi ta skirbi su nomber y nomber di e mucha riba papel, bisando cu e papel ey tabata pa renobacion di nan matrimonio.

Segun huez e hecho ey ta completamente for di sla, pero no castigable. Huez a bisa e homber tambe cu si enberdad e mucha a bisa cu e ta kesha of si e ta hasi cosnan sexual, e lo mester a bisa e mucha pa no bin mas cerca dje etc.

Segun huez tin mucho duda den e caso aki, pues el a declara Lorenzo W. liber di tur acusacion.
Huez a bisa si na final cu mayornan mester paga bon tino kico nan yiunan ta hasi y unda nan ta bay, pa evita cualkier incidente. Despues cu huez a duna su veredicto, e acusado a Sali for di sala di corte ta canta di alegria.

- Advertisement -

1 COMMENT

  1. Ta di lamenta cu aki na Aruba no ta existi “Self defense”. “Self defense” ta pa e huesnan i pa nan famia so.

DUNA COMENTARIO

Please enter your comment!
Please enter your name here