Home Cultura Interes Ta Halto Pa Concierto “Cantando Pa Su Pueblo”

Interes Ta Halto Pa Concierto “Cantando Pa Su Pueblo”

0
0
SHARE
- Advertisement -

Crystal Theatre lo bisti di gala pa gran celebracion…

edjean_1ORANJESTAD (AAN): Desde Dialuna cu a anuncia e proyecto unico aki, por a sinti un reaccion instantaneo y masha positivo pa cu e concierto “Cantando pa su pueblo”, cu lo worde presenta pa Edjean Semeleer.

   Tur hende cu a presencia su shownan den pasado, ta bon na altura di e calidad haltisimo di e shownan cu Edjean semper ta presenta y a duna indicacion fuerte cu nan kier experencia un produccion musical di nivel un bes mas y disfruta di un anochi di gala cu sigur lo ta inolvidabel.

   Esaki ta e prome bes cu Edjean ta presenta un concierto den cuadro di e celebracion di dia di Aruba, pero mirando e trayectoria impresionante y sumamente exitoso di e hoben artista y conciente cu tur su conciertonan semper ta “rand rand”, nos no tin ningun duda cu esaki lo ta un otro exito grandi tras di su nomber.

E simpel hecho cu Edjean lo presenta un tipo di concierto totalmente diferente den varios aspecto, compara cu su conciertonan di pasado, ta haci hopi hende curioso di tur loke tin prepara pa sorprende e publico cune.

Locual cu e organizadornan kier pone hopi enfasis tambe riba dje, ta cu esaki lo ta un anochi di gala, un evento hopi elegante y di taya sumamente halto cu sigur lo bira esun mas special pa e celebracion di dia di Aruba pa e aña aki.

Keda pendiente pa mas detaye di tur loke Edjean tin prepara pa haci e celebracion di nos Himno y Bandera uno grandi y inolvidabel.

Reservacionnan ta worde tuma ya caba y mirando e interes halto di un grupo grandi di fanatico, ta consehabel pa reserva bo ticket di entrada mas pronto cu ta posibel via telefoon 563-3333, pa bo tambe biba momentonan unico hunto cu Edjean Semeleer cu lo ta “Cantando pa su pueblo” dia 19 maart den e prestigioso Crystal Theatre.

- Advertisement -

DUNA COMENTARIO

Please enter your comment!
Please enter your name here