Ladronicia na orden di dia den casnan bao construccion
ORANJESTAD (AAN): Ladron a bira manera raaf, ta kibra drenta horta den cas negoshi, hasta misa. Tambe tin otro ta tira para riba material di construccion. Ta hopi sacrificio esnan cu ta construi nan propio cas ta pasa den basta problema y disgusto.Bloki, cement, tubo coper, material pa instalacion di coriente, azuleho y lo demas cu mester pa termina e cas bao construccion. Ainda ta fresco den nos memoria, con ladron a presta un truck grandi cu instalacion di un hijskraan chikito a bay na condominio bao construccion a tira para riba cantidad di material.
Pa casualidad un gerente di e contratista a bay controla y topa un grupo ladron den accion. Hasta potret a worde saca di e truck y a worde publica den Diario e sospechosonan.
Parce te cu dia di awe ainda no a detene esnan envolvi apesar segun informacion nan lo ta riba e “Hit list”.
Mientras tanto diamars ultimo pa 4’or e homber inicialnan J.M.C. di 39 aña, segun e denunciante JMC, cu durante oranan di anochi laat 24 saco di cement a disparce na un cas situa na Pos Chikito cu ta bao di construccion.
Por ultimo un señora tambe a denuncia cu ladron a horta cierto cantidad di anzue. E caso a tuma lugar na un cas na Catiri.
Ladron lo ta usa e pretexto “liña mester na awa” pero probablemente e lo tabata tin mester di anzue. E casonan tin atencion di Recherche.
