Magic FM y Ivan Kelie a yega na acuerdo despues di retiro
Ivantje a pidi 60 mil y lo haya 29 mil…
ORANJESTAD (AAN): Ivan Kelie conocido locutor cu a traha station manager pa algun aña na Magic FM a bay corte despues di a haya retiro inmediato for di e stacion cu e tabata maneha. E tempo ey DIARIO mes a trece publicacion riba esaki. Despues di e retiro Ivan Kelie a busca su derecho den corte. Ivan Kelie na dado momento a haya su mes den un ambiente di desconfianza despues di tabata preparando hende pa otro radio cu ta preparando pa habri den e curazon di Sta Cruz.
Despues cu a keda descubri e modus operandi di Ivan Kelie a confronte cu e situacion y mesora a dune su retiro inmediato. E momento ey gerencia no tabata di acuerdo cu loke Ivan Kelie tabata haciendo.
Naturalmente Ivan a cana e caminda legal. Despues di bay corte huez a dicidi cu lo ta na su lugar pa bay over y abogadonan di ambos partido sinta na mesa pa regla e asunto. Esey tabata tin un final feliz pa ambos.
Ivan Kelie parce ta sin trabao awe pasobra e radio no a habri ainda. El a pidi 60 mil Florin pa motibo di e retiro inmediato pa falta di confianza den su persona.
Despues di deliberacion entre partidonan finalmente a keda dicidi cu Ivan Kelie lo bay haya no 60 mil Florin pero 29 mil Florin. Den e caso aki no tabata tin ganador sino sano huicio a vence entre ambos partido.
