Motociclista herida den accidente na Cunucu Abao

ORANJESTAD (AAN): Diamars atardi a drenta informe di un accidente entre un auto y un brommer na Cunucu Abao unda un motorciclista a resulta herida.
Mesora a dirigi tanto polis como ambulance na e lugar.

Na yegada di e patruya a bin constata cu un auto cu tabata bayendo pabao no a duna preferencia na e Keeway motorcycle cu tabata bini di nort.
Debi na e impacto e motorcyclista cu ta un hobencita a resulta herida. Na yegada di e ambulance mesora a atende e victima y a transporte pa hospital.