Archivo di February, 2010
Un poco dia prome cu eleccion den un analsis politico bao di e titulo “Befehl ist Befehl” nos a trece padilanti cu berdad e maneho di e gobernantenan di MEP den hopi caso ta criminal. Nos a bisa acerca cu esaki ta normal pa MEP. Pero durante e ultimo añanan nan a haci cosnan cu hasta pa hopi simpatisador di MEP mes tabata di mas. Un di e partinan di nan maldad tabata e trato den casonan di permiso pa estadia. E manera cu un cantidad di ser humano a worde trata tabata contra tur principionan di derecho di hende.
Unoca Ta Presenta E Obra Comico-Dramatico
ORANJESTAD (AAN):— Den e produccion teatral aki cu ta skirbi y dirigi pa mr. Dr. Den Heinze, varios personahe cu ta hopi conoci den nos mundo cultural ta actua manera nunca bisto. Entre otro Tica Giel como Ceciliah, un ser spiritual, Tony Green un personahe mahestuoso di otro mundo, Jossy Brokke, como un docter mundialmente famoso biahando mundo rond pa opera den diferente hospital, semper acompaña pa su dos asistente nan elegante. Asina tin mas personahe y grupo conoci cu poco, si no nunca, a demostra nan capacidad artistico den e forma di un drama teatral manera esaki.
“E biahe misterioso di Jean” cu ta un obra teatral, ta na prome lugar un drama pero cu hopi elemento di musica y alegria. E ta un storia di un hoben cu ta biba cu su mama.
ORANJESTAD (AAN): E fiesta di ganadornan ta sigui na Crystal Casino. Y manera tur hende por nota, ta tur dia tin ganadornan na Crystal Casino y Seaport.
Aworaki riba dos dia sigui, e casino a entrega mas cu 7 mil Dollar na dos ciudadano, un turista bishitando nos isla y un residente. E ta mas, pero no ta tur hende ta gusta saca potret.
ORANJESTAD (AAN): For di Hulanda a drenta e grato noticia pa famia Kock y famia Benita, cu Shaska Isabel Kock a gradua for di e Universidad di Leiden na Hulanda den Ciencia Pedagogico. Despues cu Shaska a obtene su HAVO-diploma na Colegio Arubano, e a bay Hulanda pa por sigui su HBO Pedagogiek na Hogeschool InHolland na Diemen, Hulanda.
Despues cu Shaska a obtene su HBO-diploma den Pedagogiek for di Hogeschool InHolland, a haya un “studieopdracht” for di Gobierno di Aruba pa por sigui un “vervolgstudie” na e Universidad di Leiden den e.o. e Ciencia Orthopedagogico.
E fin di siman aki lo tin especial pa cortenan di hende homber.
ORANJESTAD (AAN): E salon di beyeza renombra na Aruba pa su tremendo servicio y profesionalismo, Beauty Team, ta introduci diferente estilo nobo di corte pa hende homber. Un influencia militar y “80’s punk” sigur ta hunga un importante rol den locual ta trata corte di cabey pa hende homber. Un estilo di corte mas defini cu e toque a-symetrico a worde mira ariba hopi di e pasarelanan di moda na mundo. Fuera di esaki e “look” ta uno fascil pa mantene cu un poco wax of gel.
Estilonan cu ta representa e “look” di James Dean, actor di Hollywood di epoca ‘50 tambe tin un remarcable presencia den locual ta “in” pa cortenan di cabey masculino.
ORANJESTAD (AAN): E homber legendario y activista, Richard Gere, lo habri e evento inaugural di Aruba International Film Festival (AIFF) como su anfitrion oficial, ora cu e Festival start na Juni venidero. Ademas di habri e Festival, Richard Gere lo worde honra cu un premio humanitario special, y participa den e serie di “In Conversations With” cu ta interactua cu publico. Esey a worde divulga Diaranzon door di e Director Artistico di AIFF, Claudio Masenza, hunto cu e fundador y productornan di e Festival, esta Guiseppe Cioccarelli y Jonathan Vieira, kendenan ta na Los Angeles pa un evento special di Aruba International Film festival.
*En bez di haya 200 miyon, Aruba ta haya 210 miyon florin y un minimo di 10 miyon dollar tur aña
ORANJESTAD(AAN): Na bestuurskantoor tabata tin un conferencia di prensa relaciona cu asunto di refineria Valero. Esaki prome minister Mike Eman a considera un otro fase di progreso pa futuro di e refineria, den e esfuerzonan cu Gobierno ta hasi pa crea un clima y un ambiente cu ta habri e oportunidad pa un solucion pa futuro di e refineria. Dia 20 di Januari Gobierno a firma un Memorandum Of Understanding(MOU) cu a pone e base pa habri e bentana di oportunidad pa por yega na un solucion pa e continuacion di e refineria na Aruba.
Oficina di abogado a gana bruto cu e Modelo Suizo
ORANJESTAD(AAN): Ta parce cu parlamentaria Evelyn Wever-Croes ta totalmente bruha den ken a eligi’e pa ta den parlamento. Ora cu e ta bisa cu “hopi hende ta contra eliminacion di… Modelo Suizo” e no por ta refiriendo na e pueblo ey ‘fo. Papa Hendrik cu ta gana bruto na custiya di e “Model Suizo” ta practicamente e unico persona cu tin sentimento nan fuerte contra eliminacion di e modelo aki. E ta kere cu hopi hende no ta al tanto cu Papa Hendrik, hunto cu su Omo, ta e arkitecto intelectual (principal) di e ley aki.
Posiblemente brommernan tabata pustando…
ORANJESTAD(AAN): E motociclista a keda herida y mester a worde transporta mesora pa hospital cu ambulance. E informacion a drenta diahuebs anochi cu tin un desgracia basta pisa riba e caminda di Oranjestad pa Santa Cruz na altura di Hooiberg Rumshop. Ora cu polis a yega nan a topa cu un motociclista benta canto di caminda ta keha di dolor. Tambe a haya un brommer benta riba caminda y un pickup di dwars parcialmente riba caminda.
Segun Ray Buckley
ORANJESTAD(AAN): Durante un conferencia di prensa relaciona cu e acuerdo cu Gobierno a logra cu Valero, Ray Buckley kende ta na cabez di e refineria di Aruba a trece dilanti cu e ta hopi contento cu e di dos ‘milestone’ aki, despues cu riba 20 di Januari a firma e Memorandum of Understanding(MOU). E settlement agreement hunto cu e MUO ta duna un apoyo positivo na e buskeda di alternativanan strategico pa e refineria.
Atencion grandi pa Aruba na Merca
ORANJESTAD (AAN): Na e momentonan aki Minister Otmar Oduber ta na Merca caminda ta promocionando e promer Aruba International Film Festival, mercadeando nos isla y tambe presentando su vision y plan strategico na ATA continente Americano. Manera ta conoci caba, e famoso actor Richard Gere a confirma su presencia na Aruba pa e festival di cine y esaki a conduci cu e atencion pa nos isla a bira mucho mas grandi.Promer cu a biaha Minister Otmar Oduber a informa prensa local tocante e presentacion cu lo bay tin dialuna mainta na CBS News durante su ‘Early Show’, pero awor e grato noticia a drenta cu “The Today Show” di NBC News tambe lo dedica un segmento na Aruba.
Den caminata di militarnan di rond mundo:
ORANJESTAD (AAN) — Matutino DIARIO a entrevista señor Lorenzo Texeira, Comandante de Peloton na Savaneta Kamp Kazerne, relaciona cu nan preparacion pa un competencia di canamento, den cual nan lo participa na Hulanda, representando Aruba. Comandante Texeira a duna di conoce cu nan ta preparando pa e actividad menciona, cu lo bay tuma lugar na Juli proximo di 21 pa 24 na Nijmegen, y aworaki nan ta canando un distancia di 24 kilometer.
Di dos pa tres biaha pa siman e entrenamento ta tumando lugar. E evento aki ta esun di mas grandi cu ta worde organiza na Hulanda anualmente, y masha hopi militar internacional ta participa den dje.
Noticia di ultimo ora duna pa Prome Minister:
ORANJESTAD (AAN) — Prome Minister mr. Mike Eman, a anuncia ayera’tardi cu gobierno a firma un acuerdo cu Refineria Valero pero esaki no ta nifica cu a keda garantiza cu a yega na un solucion permanente pa e refineria. Pero si ta asina cu e acuerdo aki ta ensancha e posibilidadnan pa gobierno yega na un acuerdo duradero pa e funcionamento di e empresa. Minister Presidente a subraya cu for di e prome lunanan den gobernacion, su gabinete a sinti cu un di e problemanan cu tin pa yega na un re-apertura di e refineria ta aspectonan internacional economico, cu ta worde fiha pa e prijs di petroleo den e mercado internacional, y cu dificilmente Aruba por tin influencia riba dje.
Segun René Herdé,
ORANJESTAD(AAN): Durante conferencia di prensa di fraccion di AVP, lider di e fraccion René Herdé a comenta riba caida di Gobierno Hulandes tambe. El a bisa cu mirando cu den Reino y na Hulanda partidonan ta comparti e idea di un contenido nobo di un reino comun, pa Aruba caida di Gobierno Hulandes no ta bay tin mucho efecto. Pa Antiyas cu ta den un proceso di restructurizacion e por conduci na tardanza. Esaki segun Herdé, kende a sigui bisa cu fraccion di AVP ta spera cu ta solamente un tardanza di e temanan di restructurizacion di Antiyas cu tin hopi aña ta andando, cu nan lo por considere como un ehecucion di decisionnan cu ya a wordo tuma y cu e no lo stroba pa nan yega na e restructurizacion y finaliza esey pa 10 di October.
Awe 26 di frebuari nos ta canta happy b-day un biaha mas pa e guy chuculatie di madiki si mensen te mes ta ken un conose??? Kennedy.C.Geo….. a.k.a “BABA”.. eta haja palabra nan di bendishon di su mom,dad,ruman, su 2 yiu nan en de rest van de familie. klaro sin laga afo di the jesters crew, madness easy racing team, y offcours di down town bikers cuta heavy yiuii…. and last but not least di su one and only love shaolin cu ta desea bo hopi amor ,bendishon, y salud .. LUV U..
