ORANJESTAD (AAN)— E compentencia a wordo dedica na Dr. Ayala, cu for di aña 1980 ta un miembro di club di tiro, alavez e prome president di tiro na Aruba.
Miembronan di Aruba Practical Shooters y Aruba Schietbond ta desea Dr. Ayala exito na Colombia.
E competencia tabata exitoso y no facil manera hopi a kere.
Resultado di competencia tabata lo siguiente:
Segun Ray Buckley,
ORANJESTAD(AAN): Durante un conferencia di prensa relaciona cu e acuerdo cu Gobierno a logra cu Valero, Ray Buckley kende ta na cabez di e refineria di Aruba a trece dilanti cu e ta hopi contento cu e di dos ‘milestone’ aki, despues cu riba 20 di Januari a firma e Memorandum of Understanding(MOU). E settlement agreement hunto cu e MUO ta duna un apoyo positivo na e buskeda di alternativanan strategico pa e refineria. Tur dos banda tin team cu a traha cu otro pa e logro y Buckley a gradici tur esnan envolvi den esaki.
*Huez a haya cu declaracion di e mucha so, no tabata suficiente
ORANJESTAD(AAN): Loreto W. a presenta dilanti di huez Diahuebs, pa scucha veredicto di huez den un caso contra dje. Loreto W. a wordo acusa di a comete abuso sexual riba un mucha.
Huez a cuminza na bisa cu e no ta haya suficientemente comproba cu L.W a comete abuso sexual riba e mucha. El a splica cu a acusacion ta bisa cu e homber lo a haci diferente cos cu e mucha incluyendo mishi cune na cierto partinan di su curpa y hinca lenga den su orea, pero segun huez, no tin para cu e homber lo a hasi tur e actonan aki na mesun momento.
Segun lider di PDR,
ORANJESTAD(AAN): Recientemente durante conferencia di prensa di partido Democracia Real, DIARIO a puntra lider di e partido Andin Bikker, su pensamentonan riba caida di Gobierno Hulandes. Segun Bikker, den Parlamento di Aruba siman pasa a trata e tantisimo leynan cu ta regarda e desmantelacion di Antiyas y e leynan aki ta den un proceso, Gobierno tin un continuum. Bikker a bisa cu mirando e acuerdonan cu a wordo cera, e no ta kere cu caida di Gobierno Hulandes cu ta pone cu ta bay bin eleccion nobo, ta bay tin un impacto grandi riba desmantelacion di Antiyas.
ORANJESTAD(AAN): Diahuebs na corte a duna su veredicto den un caso contra Brian K., kende a wordo acusa di a maltrata un persona severamente usando e cabo di un piek. Fiscal durante tratamento di e caso algun siman pasa a exigi un castigo di 3 aña. Huez cuminza na bisa cu e ta haya e acusacion legalmente y convincentemente comproba. Segun huez, e ta rechaza ponencia di defensa di e acusado, cu e lo a actua na defensa propio. Huez a indica cu no tabata necesario pa Brian K. dal e victima na su cabez.
ORANJESTAD (AAN)—Durante di un ambiente hopi ameno den Milano Restaurant, Uriana Croes conhuntamente cu algun amigo y famia a celebra su cumple años grandemente.
Tur hunto a canta Happy Birthday pa Uriana y a lanta kelki pa brinda. Uriana ta haya palabra di hopi pabien di tur su amigonan y coleganan, pero tambe di su famia Chejito, Duke, Lienchi, Randy y Ghislaine Croes.
ORANJESTAD (AAN):— Dia 12 di februari ultimo empleadonan di DIARIO a tene nan celebracion di Carnaval cu e tema di “Fiesta di Sombre”.
Un tremendo ambiente a reina entre e empleadonan y asina tambe a eligi e Reina di DIARIO 2010 cu a keda den persona di Señora Vivian Maduro y su prins Sr. Jossito Mansur y pancho Sr. Hubert Tiel.
ORANJESTAD (AAN): Directiva, staf, cliente- y boluntarionan di FUNARI ta gradici Carribean Mercantile Bank y tur otro patrocinador pa e oportunidad cu nan ta brinda na e clientenan di FUNARI y tambe clientenan di otro instancia, pa por bay mira Carnaval di Aruba.
Ta asina cu algun aña atras, un comicion di e grupo Carnavalesco Los Laga Bay, a cuminsa cu un V.I.P. stand den temporada di carnaval.
ORANJESTAD (AAN): ATV su buskeda pa talentonan nobo pa fungi como TREND ALERT su Host & Producer for a Day a resulta exitoso.
Den cuadro di celebracion di 6 anniversario di ATV su hit show Trend Alert dia 1 di April, productornan di e programa mas mira na television local a recluta 4 host y 4 producer cu den forma di duo lo ta encarga cu e presentacion y produccion di 1 programa cada den luna di Maart.
ORANJESTAD (AAN): Un anochi sumamente disfruta na Radisson Aruba Resort Casino & Spa a trece hunto hendenan local y bishitantenan pa e evento anual di Sweetheart’s Ball cu a tuma luga den e Grand Caribbean Ballroom.
Organiza pa e Friends of the Handicapped, cual ta un organizacion consistiendo di esnan cu regularmente ta bishita e isla, e evento di gala a ofrece un cena delicioso, supervisa personalmente pa e resort su Director nobo di Food & Beverage, Gerard Coste, bailamento cu e banda local popular, NBO, y un rifa di prendanan cu a premia un beyesa di un renchi di diamante cortesia di Noble Jewelers y famia Malwani, kende ta sostene e causa generosamente tur aña.
Compania legitimo a worde perhudica pa uno nobo y di mala fe..
Compania “Corda Riba Mi Septic Tank” a haci denuncia oficial
ORANJESTAD (AAN): Ya caba e compania di servicio di haci septic tank limpi, esta “Corda Riba Mi Septic Tank” ta bay pa cumpli 5 aña, y danki na su bon servicio, a sa di haya un clientela fiel y contento cu e trabao aki. Semper nan ta core rond cu e truck color geel, cu e number DT-929, pa brinda servicio na pueblo. Pero apenas recien, un desaroyo nobo a presenta cu awor a bin finaliza te na Recherche! Un otro compania a habri, y pa un motibo di konkelmento, esun nobo a logra di registra un otro truck geel, cu e mesun number ey di DT-929.
Carañito grandi no a fit den jug yen di pisca..
ORANJESTAD (AAN): Tres amigo riba e boto tipo Peñero yama Jo-Anne a bay lama for di merdia. Edwin Thiel a bisa cu ora biento cay asina y lama bira plat ta suficiente motibo pa e keda sin bay trabao y bay goza di su hobby cu ta pisca. El a yama su amigo Roy Tromp y tambe Valentino Jacobs y tur tres a sali bay panort di Aruba den boto. A tira anker na mas cu un lugar y asina pisca un rato. Esey tabata tin su fruto tambe. Despues cu a yena un jug yen cu pisca nan a corona e dia di pesca den lama keto sin biento cu un carañito masha grandi mes.
Manehador ta claim pago di salario…
ORANJESTAD (AAN): Na Mr Jazz den Paseo Herencia parce tin algun problema serio andando e momentonan aki. Segun DIARIO tin informacion e persona encarga cu e maneho di Mr Jazz te awe no a haya e salario cu nan a primintie. E dos comerciantenan doño di Mr Jazz a sera un contrato buscando e manager for di Hulanda.
E promesanan cu a ser haci na e manager te awe parce nan no a cumpli cune 100%. A primintie cas y el a haya cas. A primintie auto y el a haya auto. A primintie un salario pero esey e no a haya.
Awor nan a sake for di e cas y a kita e auto for di dje.
Noticia Confirma…
ORANJESTAD (AAN): E conocido actor mericano Richard Gere, hopi conoci pa su pelicula “Pretty Woman” lo ta na Aruba na luna di Juni atendiendo e proximo Festival Internacional di Cine.
Esaki ta un informacion cu DIARIO a haya confirma door di bureau di Minister di Turismo kende por cierto ayera a yega Los Angeles pa haci tremendo promocion pa nos isla relaciona cu e festival aki y caminda ya caba tin hopi expectativa.
