Diaranzon a Cumpli Un aña mas di su lekker leven Ismary Jacobs, pabiea bin di parti su mama cachita tata robby, su rumanan, vale,chai y jerito y especialmente di su sis in crime Emely, isz awo cu bo ra birando bieu corda bira serio hahha heavy mama, have a e day.
ORANJESTAD (AAN)— Diario Deportivo tabata presente den e torneo di Ranking di A y B Class di Aruba Table Tennis Association cu a tuma lugar recientemente na Sport Hall na Santa Cruz.
Den e torneo aki a resulta como ganadornan den e categoria “B” Class, Michael Ling na prome lugar sigui pa Edward Wong na di dos lugar, na di tres lugar Louis Posner y na di cuater lugar Sandy Ras. Den Categoria “A” Class e ganadornan tabata Mario Lobo na prome lugar, Remy de Lange na di dos lugar, Rocky Ras na di tres lugar y Andy Gomes na di cuater lugar.
Ultimamente e presidente electo di Venezuela, Hugo Chavez Frias, a bolbe mishi cu e tema di Aruba, Corsow y Bonaire, haciendo un comparacion cu e islanan Malvinas dilanti di e costanan di Argentina, alegando cu ta trata di e mesun caso y cu Aruba y e otro islanan di habla Papiamento ta pertenece na Venezuela. Presidente Rafael Caldera tambe a yega di mishi cu e topico, bisando cu tin un linea di islanan dilanti di e costanan Venezolano cu ta forma un parti sin interupcion di su pais, cu e excepcion di Trinidad y e islanan Hulandes den Caribe.
ORANJESTAD (AAN): Ladron a bira manera raaf, ta kibra drenta horta den cas negoshi, hasta misa. Tambe tin otro ta tira para riba material di construccion. Ta hopi sacrificio esnan cu ta construi nan propio cas ta pasa den basta problema y disgusto.Bloki, cement, tubo coper, material pa instalacion di coriente, azuleho y lo demas cu mester pa termina e cas bao construccion. Ainda ta fresco den nos memoria, con ladron a presta un truck grandi cu instalacion di un hijskraan chikito a bay na condominio bao construccion a tira para riba cantidad di material.
Aruba tin un potencial cultural musical, di baile y culinario cu no ta wordo promovi ni usa.
Mi ta laga pa e biaha aki e parti culinario afo, y despues lo bin riba dje. Si mi mira e celebracionnan cultural di tur aña, mi no ta mira e progreso cu mester tabata tin riba e terenonan aki pa probecha di esaki na bienestar di nos turismo, por ehemplo. Tur e celebracionnan ta manera e lenguahe di computer: “Copy-paste”. Ta bini tur sorto di fundacion, institucion, organizacion, comision riba terenonan cultural pero tur cos ta keda “pega” y ora bin cambio, esaki ta pa peor na lugar di mehoracion.
ORANJESTAD (AAN): Na Seroe Pita, ladron a drenta horta den frigidaire di e famia.
Ladron no conoci piedad, nan ta warda e momento oportuno pa drenta horta y sali bay. Posiblemente esaki lo por a pasa duranten cu e señora denunciante tabata na cas. No a descubri ningun kiebro cu por indica con e ladron a kibra drenta horta pertenencia di e señora.
Tabata diamars mainta despues di 11’or, cu central di polis a dirigi patruya Santa Cruz na e direccion.
ORANJESTAD (AAN): School di baile Simadanza ta bay dedica su show na e medioambiente ariba dianan 12, 13 y 14 di maart proximo.
Pa medio di baile y na un forma creativo e alumnonan lo kier duna un contribucion na conscientisacion di nos hendenan tocante e balor di un balance entre hende y su medioambiente.
ORANJESTAD (AAN): Ciga, “vojito” y Viva Cuba, a crea e ambiente completo diasabra ultimo aya na Renaissance Marketplace.
Tabatin gran expectativa pa e promocion haci di musica en vivo na Grand Cafe Tropical y e ambiente tabata pegahoso. Cu musica presenta pa Cuban Soul, cu a bay di 10’or pa 2’or di madruga.
ORANJESTAD (AAN): Cool Casino Aruba kier a felicita Mr. Adade Mazerolle kende a gana un bunita suma di $2.880 riba machine nr.5001.
Mr. Mazerolle ta hospedando na Riu Aruba Palace Hotel. Nos kier a recorda tur hende cu tur diahuebs nos tin entre 10am cu 3pm acumula 3x punto y entre 4pm pa 1am acumula 2x punto.
ORANJESTAD (AAN): Tiara Air ta sigui cu su encuesta, “con pasaheronan ta sinti bulando cu Tiara Air”. E idea su tras ta pa e compania por tin un contacto mas serka cu tur pasahero y asina por evalua ideanan cu tur pasahero ta duna pa mehoracion of di elogio na nos compania nacional..
Ehecutivonan di Tiara Air ta repasa riba tur e formularionan aki al dia y por bisa cu esaki ta mustra di ta uno exitoso.
Un biaha mas cu Haiku…
ORANJESTAD (AAN): Arte di Palabra kier acerca tur hoben pa pone boso na altura di e competencia cu ta tene luga dia 12 di maart. Mescos cu aña pasa nos ta tene un competencia riba e siguiente categorianan: (*) Poesia original. (*) Cuenta cortico. (*) Haiku.
Cada school ta manda e participante cu ta competi den categoria di poesia
y den cuenta cortico.
Diesun pais di region di Sur-America y Caribe lo ta di bishita na Aruba
ORANJESTAD (AAN): E fin di siman venidero Vina Maycas del Limari Winery ta organiza un viaje incentivo pa nan distribiudornan di e region di Sur America y Caribe.
E winery a escohe aruba como e destinacion ideal pa e amabilidad y cordialidad di e isla. Aruba Trading Company como representante oficial di Maycas Del Limari cu mucho gusto a coordina e evento aki.
ORANJETSAD (AAN): Un seminario GRATIS ta tuma lugar diahuebs awor, dia 25 di februari di 7 pa 8:30 di anochi tocante Perde Peso: Weight Loss Seminar na oficina di Aruba Learning, Irenestraat 21.
Si abo ta un persona cu ta frustra pasobra dieet y ejercisio no ta duna resultado mas; bo auto-estima ta abao y bo no ta gusta shop mas pasobra tur dificil haya panja bunita den bo size: e seminario GRATIS aki ta pabo.
ORANJESTAD (AAN): Recientemente sindicato SIWA conhuntamente cu B&P/ Interface Aruba Training & Consultancy a organiza un curso riba tereno di Ley di Labor pa nan Directiva.
A haci entrega di certificado na e 7 cursistanan cu a participa na e curso “Ley di Labor den Practica na Aruba”. E curso aki a worde desarolla specialmente pa duna mas splicacion riba e tereno di ley di labor y con esaki ta funciona den practica. E curso tabata tin un duracion di 18 ora.
Presenta pa B & P Interface Aruba
ORANJESTAD (AAN): Recientemente 8 cursista a finalisa e Curso Assistente Administrativo, cual a worde organiza pa B & P Interface Aruba Training.
Durante e curso aki e participante nan a sinja den un forma hopi practico con pa mantene un officina bow di control, sin importa con dificil e dia ta.
