Parlamentario Xiomara Maduro di M.E.P. ta critica esfuersonan pa drecha imegan di Aruba
Despues cu e mes a faya sinta na MOT
E tin problema cu Aruba a busca ayudo internacional pa cumpli cu leynan di FATF
ORANJESTAD(AAN):Ta parce cu miembro di Parlamento mr. Xiomara Maduro no ta bon na altura di e daño cu departamentonan di Gobierno manera MOT y Banco Central a causa nos isla dor di no cumpli cu leynan di FATF. El a lubida masha liger cu el a bin for di eynan y ta riba lista di e partido cu precisamente a actua negligente den e asunto serio aki.
Durante tratamento di e reunion di Parlamento ayera, na dado momento Gobierno a anuncia cu Banco Central a busca acesoria internacional for di Sra. Helen Hatton di e compania Sator procedente di Jersey.
Parse cu e señora aki tabata den e comision cu a duna un rating negativo contra Aruba. Como cu nos ta asina mal para, Banco Central a dicidi di acerca e señora aki pa bin yuda nos pa cambia e imagen negativo cu nos isla tin internacionalmente.
E experto aki a acepta e peticion di Banco Central y a dicidi cu e ta bin duna Aruba un man. Pero, esaki no a cay den bon tera cerca Parlamentario Xiomara Maduro cu antes tabata traha como hurista na MOT cu ta e departamento cu precisamente ta controla y investiga labamento di placa y hacimento di transaccionnan dudoso y ilicito na Aruba.
Su comentario negativo riba e experto cu nos isla a tuma a causa reaccion mesora di e tres Ministernan Dowers, Winklaar y De Meza cu a puntra e Parlamentario cu si e ta atacando Banco Central? Tambe cu e ta faltando respet na un organo cu ta haciendo tur lo posibel pa drecha e mal nomber cu e Gobierno anterior a hinca nos aden.
Ta parse cu tin hende kier ta “wrong and strong” pero por lo menos e Parlamentario aki a wordo poni na su lugar un rato pa e compronde cu no por haci wega cu asuntonan serio.
rico
correctie: imago ipv imegan