Home Politica Partido RED a presenta nan relato di gastonan y entrada manera a...

Partido RED a presenta nan relato di gastonan y entrada manera a stipula den convenio cu comision bon boluntad

0
1
SHARE
- Advertisement -

paderlampeRudy Lampe:
ORANJESTAD (AAN): Partido RED a cumpli cu exigencia di Comision Bon Boluntad stipula den e convenio pa loke ta eleccion 2009. Tres partido a firma pa presenta nan relato financiero di e campaña di September 2009. Rudy Lampe a splica cu RED a presenta caba, na December, pa cumpli cu e termino stipula, un relato di nan gastonan. Den luna di Januari nan a entrega un relato completo di gastonan y entrada cumpliendo e reglanan di contabilidad manera e convenio ta stipula.
Segun Rudy Lampe RED a gasta 190 mil Florin na campaña di September 2009. Nan entrada tabata 130 mil Florin. E debe di 60 mil Florin cu a keda tambe nan a cumpli cune e siman cu a pasa. Di reservanan y fundraising cu nan a haci despues di eleccion, a bisa cu RED a cumpli cu tur nan debenan, a agrega.

Cu esey RED ta cumpliendo cu su filosofia cu bo mester ta transparente cu fondonan di un partido politico pa asina aki bo tambe por ta transparente cu fondonan di pueblo, a indica. Si bo no ta responsable y cumpli cu bo debenan mes bo no por haci esaki tambe cu e fondonan di pueblo, a declara.

Segun e politico, e fondonan di Partido RED ta bin principalmente di placa cu a drenta di donacion y fundraising. A indica cu 56 mil Florin nan a haya di donacion, mientras cu di fundraising nan a haya 53 mil Florin. Pa loke ta e contribucion di miembronan, nan a haya 21 mil Florin, Lampe a señala.

- Advertisement -

1 COMMENT

  1. Arriba Policonan asina Pueblo mester confia. Esaki ta Politico husto y di caliber. Ojala cu AVP por sigui e bon ehempel aki manera Pader Lampe, un Politico ehemplar!

DUNA COMENTARIO

Please enter your comment!
Please enter your name here