Pelea mahos den klas a plama riba internet
Den 7de lesuur na Maria College…
ORANJESTAD (AAN): E potretnan aki ta pa cortesia di YouTube.com unda por mira un pelea pisa cu a tuma lugar den 7de Lesuur na un Maria College MAVO na Washington, y pa colmo, den un di e klasnan calor. E video aki a cuminza circula riba Internet, y e a graba e confrontacion di dos mucha muher den klas, unda tur dos a bay piso y cuminza yena otro cu golpi. Analizando e video, bo ta haya e impresion cu ta un di e mucha muhernan a instiga, door cu e ta dirigi palabra, y e otro alumna ta djis sigui haci su trabao y ignora tur cos. Pero e pelea a start ora cu esun instigador, a manera pasa man pa full un cup di awa, y esey a worde basha riba cabez di e alumna. Tur esaki den pleno bista di e maestra.
Pelea a start, y esaki a envolvi mandamento di mokete y rancamento di cabey. A tarda basta prome cu otronan, incluyendo e maestra, a ranca nan for di otro.
Aunke no por confirma, pero ta parce cu e pelea a worde anticipa di antemano, pasobra e otro alumno cu a graba e video a haci esey for di prome cu tur cos a start. E alumna sinta keto, ignorando e otro, na final pues a haye ta defende su mes.
Comentarionan di pueblo cu a mira e video, tabata principalmente di “berguenza” y di “pober hubentud”.
Otronan ta haya esaki lamentable, y e momento a yega pa dirigentenan escolar cuminza tuma medida mas severo. Cosnan asina na otro paisnan ta intolerable, y studiantenan cu comete fechorianan asina ta worde kita di school mesora.
DIARIO ta na altura cu e school di MAVO ey ta hopi severo, y sigur nan lo a haya schorsing pa algun dia. No ta conoci si acaso cabezante sa cu e video a bira ‘viral’ riba Internet, esta cu el a plama asina grandi.
Un persona a comenta tambe, cu debi na e calor inmenso na Maria College su localidad temporal na Washington, pesey alumnonan ta birando asina.
hik hik hik
Pone tur envolvi rond di mesa, incluyendo esun cu a graba. Kisas ta novela nan kier hunga of nan kier drenta actuacion, nan contact Mascaruba. Si no ta asina, mi ta hanja mester hala nan atencion y ta complice di abuso na e hoben. E maestra cu ta permiti abuso di maltrato den su klas, esun cu a filma cu no a stop nan. Naturalmente esun cu a cuminsa e cuenta, e sinja respeta y bira sociaal. Ta falta di atencion bo tin y confiansa den bo mes a caba? Cu boca grandi bo ta demostra bo mes cu bo no tin valor. Corda cu ta mucha di caya ta bringa.
ARUBIANO MI TA.
Mi kere ku esaki ta un berguensa pa mucha muher
teenager ku ta bai school pa un futuro pa ku aruba mayan.e berguensa ta ku ora e muchanan aki
ta bringando nos minister otmar oduber ta trahando duro pa saka cara di nos dushi pais na
merca.i esun ku a graba e pelea i pone riba internet tambe mester haya su regalo paso bo ta susha nomber di nos dushi aruba riba internet. i esei no por.i tocante e calor inmenso koi loco,si
tur elokalnan haya tres ventilator mi ta kere ku
mester sobrevivi te ora airconan keda kla.kanando
pafo den solo mi ta kere ia mas calor ku paden,pasobra paden bo tin tog un tiki schaduw.
danki,te oto biaha.
Maritza
Berguensa, hp berguensa. Mi ta spera cu algo wordo hasi cu e mucha muhe y esun cu a filma. E otro mucha muhe nan no mester straf e pasobra e no a hasi nada, simplemente ora a hasi di mas door di basha awa riba dje ela defende su curpa y mi ta kere tur hende lo reacciona asina. E otro mester schors e of kite mes foi school, muchanan asina ta daña nomber di school.
babygirl
srry, no ta esun cu a saka potret, ta susha aruba. Esunnan cu a disidi di start e peleanan ta susha aruba, paso ta mescos cubo ta den kaya of un lugar publico of turistico y un pelea ta start! sino tbt tin pelea, NO TBT TIN POTRET SAKA!