Home General Polis a tira homber Antiyano mata na Hulanda

Polis a tira homber Antiyano mata na Hulanda

1
0
SHARE
- Advertisement -

polistiramataORANJESTAD (AAN): Un homber antiyano a keda asesina diabierna ultimo durante di un confrontacion entre un patruya policial, segun informe di nos coresponsal Godfried Adem.
Polisnan diabierna atardi a ricibi un melding cu un homber lo tabata maltrata su ex casa malamente den un vivienda na Spijkenisse. Mesora a manda un patruya ne sitio, mientras cu e patruya tabata na caminda e dama a logra na huy for di su cas y drenta den su auto, pero el a ser persigui y intercepta pa su ex casa kende tabata arma cu un rifle.
Ora el a logra na intercepta e dama aki el a baha for di auto y cuminza los disparo dirigi riba e dama cu tabata sinta den e auto ainda.

E patruya policial cu a yega na e sitio a ordene pa e pone su arma abao, pero el a sigui tira riba e dama na e momento ey tur dos polis a los disparo dirigi riba dje. El a fayece na e sitio mes. Pa loke ta e dama esaki a keda seriamente herida.

Un team di trauma cu a bula na e sitio a stabilise y hibe hospital academico na Rotterdam.
Despues di dos operacion su condicion ta stabil pero ainda delicado.

E homber Antiyano cual polis a tira mata a keda identifica como Javier di 46 aña di edad.
E dama segun bisiña nan a señala ta un tal Mystica De H. di 38 aña di edad.

E dama aki for di despues cu el a laga e homber a worde menaza y maltrata na varios ocasion.
Rijksrecherche ta investiga e caso aki.

Esaki ta algo normal ora cu polis mes ta envolvi den un incidente asina, aunke cu e polisnan a actua segun regla ya cu ta trata aki di “noodweer’.

Ta asina cu meldkamer di polis e centralistanan por a sigui e desaroyo aki pa prome biaha via di un camara cu tabata poni riba e patruya policial y por a manda yudanza dirigi mas lihe na e sitio.

- Advertisement -

DUNA COMENTARIO

Please enter your comment!
Please enter your name here