Resultado di Futbol Division Honor
ORANJESTAD (AAN) — Diasabra ultimo a tuma lugar dos tremendo wega di futbol den division honor, na Compleho Deportivo Guillermo P. Trinidad.E prome wega a tuma lugar entre e muchanan di Angochi, esta Sportboys contra di e muchanan di Madiki, esta Riverplate. E wega aki a termina cu score di 2-1 na fabor di Sportboys. Na comienso di e wega Riverplate ta bai ariba cu score di 1-0 na di 2 minuut di wega pa medio di Alberto Grovell.
Pero e muchanan di Sportboys no a keda afo y a bin di atrás pa asina dal nan prome gol na di 67 minuut ora cu Roderick Croes ta manda un cañon den gol y no mucho después e hoben Jimmy Werleman ta anota e di dos gol pa Sportboys na di 69 minuut pa asina nan bai cas cu un victoria riba e muchanan di Riverplate.
Pa Sportboys tabata tin un carchi geel pa no: 6 Jimmy Werleman na di 47 min. Pa Riverplate no tabata tin ningun Carchi.
E team di Sportboys tabata tin dos cambio di cual: ta sali no: 12 Marc Tromp y ta drenta no: 9 Luis Rasmijn, ta sali no: 14 Mathew Leonardo y ta drenta no: 16 Frank Henriquerz. Cambionan di Riverplate ta sali no: 12 Charles Shelton y ta drenta no: 25 Gilay Croes, ta sali no: 16 Gerry Quandt y ta drenta no: 13 Andres Gomez. Referee nan principal Oshi Kock asisti pa Jason Colina y Frans Dijkhoff y na mesa Ismael Matos.
Di dos wega tabata esun cu tur e fanatico nan tabata warda, e classico di Aruba, esta RCA contra di Britannia. E wega aki a keda empata cu score di 0. Referee nan principal di e wega tabata Eugene Farro, asisti pa Carlos Romney y Rudy Angela y na mesa tabata Gisela Geerman.
Un wega cu hopi hende a kere cu sigur lo bai tin un ganador, pero na final por a wak cu e wega aki a keda empata. Mester bisa cu na comienso di e wega RCA tabata ataka mas cu Britannia. Pero na di 30 minuut di wega cos a manera bira hot, ora cu Britannia a cuminsa ataka y hasta a yega hopi serca di gol. Di otro banda RCA tambe a haña algun chance di anota, pero no tabata haci bon uso di e oportunidad aki.
Pa e team di Britannia tabata tin 3 carchi geel cu a bai pa no: 2 Kartoredjo na di 61 min, pa no: 14 Glenroy Lake na di 68 min, pa no: 7 Alejandro de Lange na di 69 min, Pa RCA tabata tin un carchi geel cu a bai pa no:16 Roman Aparicio y pa no: 17 Erik Santyos na di 81min. Cambionan pa RCA tabata ora cu ta sali e hungador no: 2 Eduardo Mayora Rua y ta drenta no: 3 Raymbert Bikker, e otro cambio tabata ora cu ta sali no: 6 Orlin Geerman y ta drenta no: 11 Raymond Pimienta. Cambio pa Britannia ta sali no: 17 Sebastian Motoya y ta drenta no: 32 Estiviron Pierresant.
DIARIO Deportivo kier a felicita e team di Sportboys cu nan victoria y tambe un pabien na e dos team nan di Britannia y RCA cu a duna e publico cu tabata presente un tremendo wega di futbol.
E standing di division honor ta como lo siguiente:
1 Britannia 23
2 RCA 22
3 La Fama 21
4 Nacional 20
5 Bubali 19
6 Estrella 16
7 Sportboys 16
8 Dakota 12
9 Riverplate 9
10 Brazil Jrs 8
pam
saludos muy sinceros para antonio giel
pam
saludos