Home Estilo Richard Gere Lo Ricibi Honor Humanitario Special Na Aruba

Richard Gere Lo Ricibi Honor Humanitario Special Na Aruba

4
0
SHARE
- Advertisement -

Richard Gere-Headshot 2007ORANJESTAD (AAN): E homber  legendario y activista, Richard Gere, lo habri e evento inaugural di Aruba International Film Festival (AIFF) como su anfitrion oficial, ora cu e Festival start na Juni venidero.  Ademas di habri e Festival, Richard Gere lo worde honra cu un premio humanitario special, y participa den e serie di “In Conversations With” cu ta interactua cu publico.  Esey a worde divulga Diaranzon door di e Director Artistico di AIFF, Claudio Masenza, hunto cu e fundador y productornan di e Festival, esta Guiseppe Cioccarelli y Jonathan Vieira, kendenan ta na Los Angeles pa un evento special di Aruba International Film festival.

   Masenza a laga sa, cu Richard Gere ta un homber di kende su carera fabuloso ta worde nivela solamente pa su interesnan humanitario remarcable cu keto bay ta andando.  Tanto riba pantaya of en bida real, Richard tin un presencia iconico y ta worde admira rond mundo.  Nan ta hopi honra y exita pa e por a bin atende e prome Aruba International Film Festival y tuma un rol asina activo den e evento.

   E evento mes lo ta di 4 te cu 11 di Juni 2010, e evento atractivo aki pa industria di pelicula, lo tin un bon ambiente, y lo atrae actor, director, creadornan di pelicula, y amantenan di pelicula pa un experiencia unico di festival.

   E Film Festival tey tambe pa sigui concientiza globalmente cu Aruba ta un centro di arte, cultura, y creatividad y ta sirbi como un plataforma pa promove e comprondemento y aprecio pa e arte di cinema y filmamento.  Cu participantenan gozando di e ambiente relahante di Aruba, AIFF ta promove un interaccion mas casual entre creadornan di pelicula y publico, pa haci e festival increiblemente amistoso y accesible pa tur participante.

   E evento anual di AIFF lo trece participantenan for di rond mudno pa mira un seleccion amplio di pelicula, uni den discusionnan, tuma parti di workshop y panelnan, y atende fiestanan special.  Lo bay tin varios premiere di pelicula, y studionan grandi lo bin showcase pa complementa e seleccion independiente for di rond mundo.

    AIFF tin un mision, pa encurasha, educa, y activa creadornan Arubiano di pelicula.  Den henter e festival, profesionalnan notable di pelicula lo bin duna workshop y les riba tur faceta di filmamento y e proceso creativo.  Studiantenan cu ta siñando e arte ta worde invita pa bin mustra nan trabao, pa e critico- y profesionalnan duna nan sugerencia.  Un website di www.aiff.aw tambe a worde crea pa duna mas informacion.

- Advertisement -

DUNA COMENTARIO

Please enter your comment!
Please enter your name here