Home General Shaska I. Kock a gradua den Ciencia Orthopedagogico na e Universidad di...

Shaska I. Kock a gradua den Ciencia Orthopedagogico na e Universidad di Leiden

7
0
SHARE
- Advertisement -

GRAD_shaska_1ORANJESTAD (AAN): For di Hulanda a drenta e grato noticia pa famia Kock y famia Benita, cu Shaska Isabel Kock a gradua for di e Universidad di Leiden na Hulanda den Ciencia Pedagogico. Despues cu Shaska a obtene su HAVO-diploma na Colegio Arubano, e a bay Hulanda pa por sigui su HBO Pedagogiek na Hogeschool InHolland na Diemen, Hulanda.

   Despues cu Shaska a obtene su HBO-diploma den Pedagogiek for di Hogeschool InHolland, a haya un “studieopdracht” for di Gobierno di Aruba pa por sigui un “vervolgstudie” na e Universidad di Leiden den e.o. e Ciencia Orthopedagogico.

   Diahuebs, 18 di februari u.p. Shaska a ricibi un hopi bon noticia cu su ultimo examencijfer cu e tabata falta pa e por a gradua na e Universidad di Leiden y asina tambe por ricibi awor su Master Degree den Ciencia Orthopedagogico for di e Universidad di Leiden, Hulanda. E bul-uitreiking lo bay tuma lugar diaranzon, 7 april venidero na e Universidad di Leiden, Hulanda.

   Shaska Benita-Kock ta yiu muher di sr. Frenk Kock y señora Anna Maria Kock-Dirks di Hooiberg # 68-A.  Shaska ta casa cu sr. ing Frank Benita.

   Famia Kock y famia Benita y demas familiares ta hopi contento y orguyoso cu mediante perserverancia, Shaska a demostra cu e por y asina tambe a logra su meta cu exito. Pronto Shaska lo ta na Aruba back cerca di su famia y di su  demas sernan keri y amistadnan.  Por ultimo, henter Shaska su famia kier a duna Shaska hopi pabien cu su gran logro di a termina su estudio cu exito na e Universidad di Leiden – Hulanda y den mesun rosea ta desea Shaska hopi, pero hopi exito den su futuro cercano.

- Advertisement -

DUNA COMENTARIO

Please enter your comment!
Please enter your name here