Home Cultura Show “Sinceramente Simadanza” Dianan 12, 13 Y 14 Di Maart Den Cas...

Show “Sinceramente Simadanza” Dianan 12, 13 Y 14 Di Maart Den Cas Di Cultura

5
0
SHARE
- Advertisement -

ORANJESTAD (AAN): School di baile Simadanza ta bay dedica su show na e medioambiente ariba dianan 12, 13 y 14 di maart proximo.

  Pa medio di baile y na un forma creativo e alumnonan lo kier duna un contribucion na conscientisacion di nos hendenan tocante e balor di un balance entre hende y su medioambiente.

   Elementonan cu lo presenta ta entre otro e impacto cu sushedad ta causa ariba nos medioambiente pero tambe lo mustra pa medio di baile e cosnan bunita cu nos por logra si nos cuida e medioambiente. Matanan cu ta duna nos oxigeno, piscanan den lama, aire limpi tur ta na beneficio di e desaroyo di un pais cu hendenan cu ta gosa di un bon salud.

   E docentenan Ina Profet, Tracy Pietersz y Emerita Emerencia bou direccion di e director artistico Astrid Salazar a prepara hunto cu e alumnonan un show spectacular pa e publico di Aruba.

   Tur show di Simadanza ta conoci pa e disciplina di e alumnonan, trahenan fabuloso, musica bon escogi, coreografia profesional y tur esaki lo tin atrobe den e show titula “Sinceramente Simadanza”.

   E dianan di show lo ta diabierna 12 y diasabra 13 di maart pa 8 or di anochi den Cas di Cultura. Diadomingo 14 di maart e show lo cuminsa pa 3 or di atardi.

- Advertisement -

DUNA COMENTARIO

Please enter your comment!
Please enter your name here