Home Politica Si bin un Gobierno Hulandes mucho radical, pueblo di Aruba tin cu...

Si bin un Gobierno Hulandes mucho radical, pueblo di Aruba tin cu wak kico e ta bay hasi

0
0
SHARE
- Advertisement -

andinbikkerSegun lider di PDR,
ORANJESTAD(AAN): Recientemente durante conferencia di prensa di partido Democracia Real, DIARIO a puntra lider di e partido Andin Bikker, su pensamentonan riba caida di Gobierno Hulandes. Segun Bikker, den Parlamento di Aruba siman pasa a trata e tantisimo leynan cu ta regarda e desmantelacion di Antiyas y e leynan aki ta den un proceso, Gobierno tin un continuum. Bikker a bisa cu mirando e acuerdonan cu a wordo cera, e no ta kere cu caida di Gobierno Hulandes cu ta pone cu ta bay bin eleccion nobo, ta bay tin un impacto grandi riba desmantelacion di Antiyas.
El a bisa tambe cu el a compronde cu e leynan aki ta pre-programa pa na April wordo pasa den Tweede Kamer.

Un preocupacion cu tin si ta cu e partidonan radical cu varios biaha a expresa cu nan no ta mucho contento cu Aruba y Antiyas, cu nan lo por bin na mando of haya un rol hopi determinante den un gabinete den futuro anto cu nan lo por bin purba draai cosnan bek.

Nan lo por purba baha e nivel di cooperacion cu Aruba tin of lo kier yega na dje.
Bikker a sigui bisa cu nos tin nos Status Aparte y e derecho di auto-determinacion y si diripiente bin un Gobierno Hulandes demasiado radical na Hulanda, e ora ey pueblo lo mester wak kico e ta bay hasi.

- Advertisement -

DUNA COMENTARIO

Please enter your comment!
Please enter your name here