Home Estilo Sweethearts Ball Na Radisson A Yuda Recauda Fondo Pa Esnan Incapacita

Sweethearts Ball Na Radisson A Yuda Recauda Fondo Pa Esnan Incapacita

0
0
SHARE
- Advertisement -

FOH SweetheartsORANJESTAD (AAN): Un anochi sumamente disfruta na Radisson Aruba Resort Casino & Spa a trece hunto hendenan local y bishitantenan pa e evento anual di Sweetheart’s Ball cu a tuma luga den e Grand Caribbean Ballroom.

Organiza pa e Friends of the Handicapped, cual ta un organizacion consistiendo di esnan cu regularmente ta bishita e isla, e evento di gala a ofrece un cena delicioso, supervisa personalmente pa e resort su Director nobo di Food & Beverage, Gerard Coste, bailamento cu e banda local popular, NBO, y un rifa di prendanan cu a premia un beyesa di un renchi di diamante cortesia di Noble Jewelers y famia Malwani, kende ta sostene e causa generosamente tur aña.

   Friends of the Handicapped a distribui mas di un miyon Florin den transcurso di e añanan na fundacionnan local dedica na e bienestar y cuido di esnan fisicamente, mentalmente y intelectualmente incapacita, y atrobe e aña aki lo entrega donacionnan, na final di su temporada di recauda fondo.

   E actividad concluyendo e programa di e aña aki lo tuma luga diahuebs, 25 di Februari, y lo consisti di un esfuerso grandi di recauda fondo cu un bingo na Renaissance Convention Center cu lo ofrece premionan grandi di cash.

   Aki por mira esnan cu a cumpra carchi pa e fiesta di gala, pasando bon na e evento cu a tuma luga despues di Dia di San Valentin, y miembronan di directiva di FOH board cu Director Art Stark, y su casa Alma, tambe un miembro di directiva, encabesando e proyecto.

- Advertisement -

DUNA COMENTARIO

Please enter your comment!
Please enter your name here