Home General Tata a laga yiu di crianza sali un rato pero e yiu...

Tata a laga yiu di crianza sali un rato pero e yiu a probecha di e ocasion

1
0
SHARE
- Advertisement -

PolicialORANJESTAD.(AAN): – Diasabra marduga pa mas o menos 4 or y 30 a presenta na warda di Noord, un homber basta preocupa y cu kier a haci un denuncia. E homber di inicialnan G.T. ta bisa polis cu e ta sinti falta di su yiu muher di crianza cu a bay lighting parade cu un amiga pero te na e oranan ey ainda e no a bolbe cas. Segun G.T. a bisa polis cu e tin un yiu muher y un yiu homber di crianza ta keda serca dje. Debi cu e yiu di crianza ta keda cerca dje, el a permiti e mucha muher bay cu su amiga lighting parade.
E mucha muher a bay for di atardi 5’or y te na e oranan ey cu ta 4.30 di marduga e no a yega. E situacion tabata tine un poco preocupa ya cu e mama no tabata kier pa e yiu sali y e tata a lage bay toch.

Polis mientrastanto a tuma e keho y a keda di tira un bista pa e mucha muher aki.
Pero un rato despues pa mas o menos 5 or y 30 di marduga e homber G.T. a bolbe presenta na warda Noord pero e biaha aki den compania di e yiu muher di crianza. E homber a bay pa notifica polis cu un rato prome e mucha muher a regresa cas.

Polis na e momento ey a hala atencion di e homber pa nan yega na un acuerdo tanto mama y tata ora di salimento, como tambe mucha muher, ya cu nan ta dune e confianza y e no a cumpli cu ne pa yega cas na ora bek.

- Advertisement -

DUNA COMENTARIO

Please enter your comment!
Please enter your name here