Taxi a dal pareha riba motocicleta
ORANJESTAD(AAN)– Diabierna atardi a drenta informe di un accidente cu hende herida entre un auto y un brommer na Rondweg.
Na yegada di e patruya cu a bay na e lugar di desgracia a bin constata cu un taxista bayendo pabao cu velocidad halto den Rondweg na dado momento a bay pasa un pareha riba brommer cu net tabata bay bira na man robez.
E impacto tabata fuerte cual a hinca e brommer bao di e auto y a lastra esaki algun meter. Na yegada di ambulans a atende e victimanan y despues a transporta un di e victimanan levemente herida so pa hospital.
