Pa convence un persona manera mi cu e mandatarionan actual ta consciente di nan debernan cu Aruba y su Pueblo, mi mester mira hopi mas cu djis viahamento pa duna man, saca potret cu dignatarionan den exterior, y braza hende bieu y mucha chikito cu un gran sonrisa pa e camara cu semper tey por capta e momento “historico” ey di e “gran show”! Prome Ministro ta realiza cuanto biaha el a bay Hulanda caba? Pa logra kico? E venida di KLM? Sin duda un triunfo, pero mas den un sentido politico cu den uno economico.
Hopi hende ta ekiboca nan mes cu mi, pensando cu mi lo ta un incondicional na fabor di tal o cual gobierno. E nomber di e partido na mando no ta interesami: su actividadnan real frente e problemanan serio cu tin nos dilanti ta lo unico cu ta interesami como editorialista di e corant mas grandi y influyente di Aruba.
Y pa loke ta trata e partido actual den Gobierno, e lo mester haci hopi miho pa mi keda convenci cu e sa kico e ta haciendo y den ki direccion e mester move.
Cu e capacidad cumulativo di su integrantenan, mi no ta mira e necesidad di tanto “show”! E asunto di KLM a keda soluciona? Perfecto! Ban move awor pa e otro cuestionnan cu ta rekeri atencion urgente pa nos por dal maske ta un stap patras di e rand di e abismo economico-financiero unda nos ta para awor. Den mi filosofia personal, ora bo ta meymey di un rio, o bo ta landa o bo ta hoga! Loke bo no por haci ta pretende di landa!
Mi ta compronde e confusion inicial, e ponemento al dia di e problemanan existente, y e inversion necesario di tempo pa dilucida nan tur y planea un enfoke realistico. Pero pa tur esey tambe e tempo cu a transcuri tabata suficiente y e ponemento di man na obra a yega na turno. Menos show y mas accion lo yuda hopi pa fortalece e confianza di Pueblo den e capacidad di ehecucion di e actual Ministronan.
Personalmente mi lo keda pendiente di e actividadnan gubernamental pa mira si Gobierno ta bay cumpli su periodo o lo tira serbete hopi prome cu e final. Di un cos mi ta convenci: e talento tey, y e boluntad pa haci e trabao tambe. Loke falta awor ta loke un politico di otro partido ta demostrando.
Mi ta referi aki na Andin! Como un factor complementario y apaciguante mi ta mira cu hopi agrado e presencia di Andin Bikker den Parlamento pasobra e ta doño di un cerebro privilegia y tin un conocimento profundo di cualke materia cu e dicidi di enfoca. Su declaracionnan tin un tinte di realismo pegahoso, su proyectonan ta bon funda, y su enfokenan ta para leu di e fronteranan di fantasia.
Den ausencia di un Gobierno cu mester ta dunando señalnan di apego na plannan realistico (y no na locuranan manera un “tram”, por ehemplo!), bo ta sinti cu por lo menos tin un politico den Parlamento cu ta sirbi bo interesnan como ciudadano di e isla mas maraviyoso na mundo, cu efectividad!
Sr. Mansur ta mustra atrobe un realidad cu ningun hende por nenga: e figura di Sr. Bikker ta profila como un alternativa politico real na Aruba. E desgaste di MEP cu te awor ta bashi di liderasgo y e situacion extremo di AVP centra den un culto egolatra di personalidad (Sr. Visser tan ehempel tristo), ta hasi e figura di Sr. Bikker mustra cu inteligencia ta e opcion.
Mr Mansur, mi ta completamente di acuerdo cu bo. E unico politico cu di berdad ta mustra di tin iniciativa y capacidad pa traha realmente ta Sr Bikker.
Mi ta ful di acuerdo cu señor Jossy. Mi ta kere cu prome minister kier gana un premio Nobel.
Hopi bon sr Mansur! Mi ta elogia sr Mansur su punto di bista! Ami si ta bisa mi a vota pa AVP, pero di berdad no mester perde focus ariba e realidad!
Hallo Diario,
Mi ta admira Jossy Mansur su profesionalismo den perdiodismo. Jossy den pasado i un tempo pasa mi a husgabo pa ta partidista, pero mi tawata equiboca. Jossy pabien pa bo ta realisticoi waak bienestar di e peublo
Sr. Mansur, danki na Dios cu bo tey como consenshi y vocero di e pueblo di Aruba. Mi tabata pensa si t´ami so tabata cuminza sinti decepciona den e show entre otro cu e Hulandesnan, viaha, baila, hari. Es mas, ami si no ta kere tanto mas den e capacidadnan di e mandatarionan actual, kizas cu algun excepcion. Ban spera cu e decepcion no sigui, sino MEP por wel di prepara su mes pa take over atrobe den menos di 4 aña!
100 dia ta bai pasa y te ainda ningun decision a wordo tuma. Tur loke e gobierno aki a haci ta saca potret y manda press release. Mike a bai Hulanda 3 biaha caba y e awor nos a compronde cu nan ta bai Abu Dabi (Dubai). Esaki si ta un gobierno cu ta malgasta placa di pueblo.
asina mes, esei tbt nan campanja tambe puro show. bo por kere cu kos ta asina malo na aruba, manera nan a pinte ma sintimi na haiti , africa enz. cu valero a sera pavia di gobierno anterior, i ainda nan no tin nada concreto pa e trahador nan di valero. klm ta back pero ainda nan no a bisa na e bow di ki deal e la jega i na kiko aruba lo beneficia na dje. anyhow to much to express, pero ban wak i duna nan tempo, tin hopi pa bai ainda.
Mi ta ful diacuerdo cu e opinion di sr. Jossy. Mi a vota berde paso mi tbt kier un cambio y si bo vota pa esun chikitonan toch un di e 2 grandinan lo take over y pesei mi a prefera di vota berde paso Mep a derocha cu plaka di Aruba, pero ta basta awor cu pronkmento paki paya Mike y cuminsa tuma desicionan cu boso tin poni un banda. Mi ta kere den bo capasidad asina ta cuminsa goberna di berdad awor.
Un bon dia sr.Mansur, porfin tin un ser humano cu en realidad a bisa por escrito e berdad di e gobiernio actual.Enbez di biaha cada ratu pa Hulanda, gasta plaka di nos pueblo anto ta mihor keda di biaha ayanan i sink nos DIMES.
Anto ariba dje nos gobernantenan actual ta bon instala commishon pa traha cu un salario atronomico por ehemplo, nos Stadsecretaris N.H.fls 18mil p.luna, si acaso pueblo a vota pa pone commishon of pa CAMBIO di nos ministronan? Anto kuidow cu sr.Mansur wordu colga awor pa motibo di e editorial aki, paso ta na cusumber di colga hende HUSTO!