Home Deporte Team Thrill Walkers Internacional

Team Thrill Walkers Internacional

5
0
SHARE
- Advertisement -

arubaimalaya1ORANJESTAD(AAN)—Apenas aña nobo a cuminsa, Team Thrill Walkers a reanuda training di preparacion pa “Half Marathon Aruba 2010” y despues di e super exitoso “1st United 5.5-K Fun Walk & Run di dia 10 di januari 2010, Team Thrill Walkers ta keda activo. Miami International Half Marathon 2010: E participacion na e half marathon di Miami ta den cuadro di preparacion pa ‘Aruba’s International Half Marathon’ cu ta tuma lugar dia 14 di maart 2010. Aki na Aruba, e grupo grandi di Team Thrill Walkers tambe ta sigui un schema di training como preparacion na encargo di diferente instructor.

For di Miami, Team Thrill Walkers a ricibi e grato noticia cu su canadonan a participa diasabra mainta na e “5-K Tropical Benefit Walk for the Homeless”. Compañero Thrill Walker Leon Vrolijk a sorprende den su categoria di 70 -74 aña y ta yega na prome lugar.

Mientras cu diadomingo mainta, tur compañero a completa ful e trayecto di 21.5-K di “Miami International Half Marathon” exitosamente. E respectivo tempo di cada canado ta como lo siguiente:

Luis Hunt cu un tempo di 2:16:14 ora;
Pablo Paesch cu un tempo di 2:51:00 ora y
Leon Vrolijk cu a cana den un tempo di 3:05:56 ora.

Team Thrill Walkers ta felicita su canadonan cu nan participacion na e “Miami International Half Marathon 2010”, specialmente cu e mehoracion di nan tempo personal cu a keda registra.

Mientras tanto diadomingo mainta na Aruba, e grupo grandi a tene un training di distancia largo cu a cubri tambe 21-K. Asina e canadonan ta sigui prepara intensivamente pa e grandioso “Aruba International Half Marathon 2010”.

Mas Thrill Walkers progresando den exterior:
Team Thrill Walkers tin varios canado cu a cuminsa cu e grupo, pero cu a bay residencia den exterior. Thrill Walker Marlien Colina ta un di nan, cu a bay residencia na Hulanda.

E contacto ta keda directo cu e team, pa cual motibo awe Team Thrill Walkers orguyosamente ta comparti un di e soñonan grandi di Thrill Walker Marlien, esta yega top di e montaña Kilimanjaro na Tanzania. E hecho aki a tuma lugar dia 2 di januari pa exactamente 6:30a.m.

Team Thrill Walkers ta felicita Marlien cu logro grandi di un di su soñonan. For di e propio Marlien, Team Thrill Walkers a ricibi e bunita potretnan di Marlien orguyosamente na top di Kilimanjaro na Tanzania cu e bandera di nos dushi pais Aruba, compaña cu e mensahe:

“Subi Kili tabata un soño di mucha y cuminsa train cu boso (Team Thrill Walkers) a siñami bira sportief cu mi por a haci e soño aki bira realidad. Un cordial saludo pa tur compañero di team. Marlien – “Once a Thrill Walker, Always a Thrill Walker”.

Sigur un hecho cu Team Thrill Walkers ta sinti hopi orguyo y alegria pa tur compañero di Team cu di un manera of otro, ya sea den deporte, tereno laboral of personal ta progresa.

Team Thrill Walkers ta desea na Marlien Colina, Luis Hunt, Pablo Paesch, Leon Vrolijk, como tambe coach Rudy Leysner, hopi exito cu futuro retonan.

E canadonan ta yega for di Miami, awe dialuna 1 di februari 2010 pa 7:15p.m. cu buelo di Suriname Airways.

Team Thrill Walkers ta sigui traha como promotornan di salud riba nos isla di Aruba como tambe den exterior, enfocando riba e importancia cu movecion tin pa nos salud.

- Advertisement -

DUNA COMENTARIO

Please enter your comment!
Please enter your name here