Home General Tentnan cu a wordo kita riba ruta di Carnaval tabata forma peliger...

Tentnan cu a wordo kita riba ruta di Carnaval tabata forma peliger riba caminda

2
0
SHARE
- Advertisement -

Jossy Figaroa di DOW:
ORANJESTAD (AAN): E siman aki tabata tin algun problema cu a presenta caminda un cantidad di tent y otro material a ser kita riba e ruta di carnaval. Esaki a trece hopi rabia cerca esnan cu nan material poni riba e ruta a ser kita. Henter e asunto a bira un discusion pasobra parce polis mes no a mira problema pa e ponemento di e material riba e ruta. Den entrevista cu ing Jossy Figaroa director di DOW el a splica kico a sosode y si nan a actua corectamente.
Sr. Figaroa a señala cu loke a sosode ta algo cu pa añanan nan ta haci. Den temporada di carnaval ta kita algun tent of banki cu na nan parecer ta stroba algun situacion.

Ta algo cu a bira grandi y esaki no mester tabata e caso. Nan mes di DOW ta hopi tolerante, a expresa.

DOW no kier busca problema cu ningun hende pasobra tin otro cosnan pa haci, a agrega. DOW a identifica algun situacion caminda tabata tin tent cu a bula cay den lagoen.

E departamento do obranan y infrastructura te hasta tin potret di algun situacion na unda cu tentnan a bula bay den lagoen, a splica.

Na mesun momento ta bin reclamo con DOW por acepta algo asina ya cu e mesun tentnan aki por bula bay dal den autonan tambe. Den esaki tin cierto peliger y pesey DOW a dicidi di bay actua un rato y kita algun di e tentnan cu ta forma peliger.

Debi na esaki a bin full un discusion locual e ta lamenta, a expresa. Nan por a haci di otro forma manera bay radio y pidi e hendenan cu tin tent riba caminda pa kite. Pero a pensa cu esey ta tuma tempo y prome cu algo sosode a dicidi di kita algun tent.

Jossy Figaroa a señala cu DOW pa no laga e situacion aki bira un problema lo a laga entrega e tent na e personanan cu lo a reclama esakinan.

- Advertisement -

DUNA COMENTARIO

Please enter your comment!
Please enter your name here