Home General Tiara Air ta sigui kere den nos hendenan local!

Tiara Air ta sigui kere den nos hendenan local!

3
0
SHARE
- Advertisement -

ORANJESTAD (AAN): Tiara Air ta demostra un biaha mas cu e ta kere den e potencial di  nos hendenan aki na Aruba mes y ta sigui brinda apoyo na nos hendenan local.

   Sr. Harvey Koeiman a bay haci su training di piloto na Merca y di regreso back na Aruba, anteriormente a traha den e sector priva.

   Sr. Koeiman a acerca un Capitan di Tiara Air pa asina por forma parti di e team di nos aerolinea nacional. Sr. Aureliano Wever, Director Flight Operations hunto cu Sr. Alejandro Muyale, Director a dicidi di duna sosten un biaha mas pa asina por a cuminsa su training cu nos compania.

   Di e manera aki Sr.Harvey Koeiman a atende y a pasa cu exito e curso di Bombardier Ground School pa asina ta certifica bula e avion tipo SD-3 (SHORTS-360).

   Sr. Harvey Koeiman actualmente a bay bula na MERCA pa adkeri 100 ora mas di vuelo prome cu bay e Simulator training den Flight Safety na La Guardia Airport New York como First Officer di SD-3.

  Tiara Air ta manda palabranan di pabien y apoyo na Sr. Harvey Koeiman y famia pa su logro. Tambe nos ta spera Sr. Koeiman back na Aruba pronto pa asina cuminsa bula vuelonan commercial di Tiara Air.

- Advertisement -

DUNA COMENTARIO

Please enter your comment!
Please enter your name here