Home General Tin personanan cu nan prioridad no ta pa paga debe di nan...

Tin personanan cu nan prioridad no ta pa paga debe di nan cas pesey nan propiedad ta bay vindishi

2
1
SHARE
- Advertisement -

Segun Vocero di FCCA
ORANJESTAD (AAN): Ta conoci cu tin diferente persona cu pa un ke otro motibo no por paga nan cuota mensual di nan debe na FCCA. Ta asina cu FCCA tin un departamento di incasso cu ta traha hopi bon pa atende e situacionnan aki. Segun vocero di FCCA, Franklin Leest, nan ta monitorea e pagonan constantemente pa asina yuda e clientenan pa no cay den atraso di pagonan. A bisa cu semper nan ta keda cu un grupo cu nan ta keda cu e mesun trayectoria di no paga y ta keda yuda nan pero cierto ora ta yega cu tin un momento caminda ta bisa cu e situacion no por sigui mas.
E institucion ta monitorea e casonan aki cu probablemente ta bay vindishi y masha poco ta esnan cu a perde trabao mes. Ta esnan cu gewoon a keda mantene un patronchi di pago malo, di comienzo caba, cu ta haci areglo di pago pa despues nan no cumpli atrobe, a bisa. Nan mes ta percura pa nan keda perde nan cas.

FCCA semper ta duna esnan cu ta cay atras cu pago un extra chens. Ta trata di un proceso hopi largo prome cu dal un stap. Tin casonan cu ta dura un aña of mas pasobra FCCA no tey pa saca ningun hende for di nan cas, a señala.

A expresa cu nan kier concientiza e hendenan cu un vivienda ta hopi importante y cu esaki tin un parti grandi di seguridad pa por sigui biba confortable. “Si bo perde esey, e problema ta cuminza y mas problema ta bin su tras”.

Segun Leest, ora un hende ta perde un cas no ta necesariamente pasobra e persona a perde trabao. Mayoria di biaha nan a perde trabao pero nan ta acerca FCCA y ta bin un areglo cu nan pa tur e tempo cu nan no tin trabao pa asina nan sigura nan cas.

Tin personanan cu ta pone e prioridadnan na otro cosnan y nan ta keda cu e patronchi di mal pago. Nan mes ta percura pa nan vivienda bay den vindishi.

- Advertisement -

1 COMMENT

DUNA COMENTARIO

Please enter your comment!
Please enter your name here