Home Cultura Un Diabierna Atardi Di Actividad Na Museo Arqueologico

Un Diabierna Atardi Di Actividad Na Museo Arqueologico

1
0
SHARE
- Advertisement -

Stagiaire Sinny Solagnier di EPI Unit  Salubridad & Servicio ta invita!

Pa hobennan di Aruba!

arqueo_1ORANJESTAD (AAN): Den un entrevista cu DIARIO, Sinny Solagnier a mustra cu e ta stagiaire di EPI Unit Salubridad & Servicio.  Awor el hunto cu Museo Arqueologico Nacional Aruba (MANA) lo bay  tene un actividad pa hoben diabierna 26 di februari benidero.

   E actividad ta di  5:30 di atardi pa 7’or di anochi. Riba e dia aki bishitantenan por participa  na un actividad y haya splicacion di parti di e team entustiasma y dinamico cu a prepara esaki.

   E actividad ta pa engrandece e cantidad di hoben cu ta bishita e museo cu actividadnan atractivo y actual. Asina e hobennan por haya motivacion pa tuma iniciativa pa bishita Museo Arqueologico. Di e forma aki nan por siña y  disfruta di algo educativo.

  Arqueologo drs. Raymundo Dijkhoff y Asistente Arqueologo Hiram Angela  lo duna presentacion durante e actividad.  E arqueologonan lo duna informacion y combersa cu esunnan cu tin pregunta.

   DIARIO a haya sa, cu e actividad ta hiba como titulo ‘ The faces behind the Aruban Archeology ‘ y ta repasa historia, personahe,  trabao di arqueologia y tambe futuro generacion di Arqueologia, poniendo enfasis riba e potencial di hobennan awe y pa futuro.

   Hobennan  por yama  Museo Arqueologico  Nacional Aruba na Schelpstraat 42. Di e forma aki e hobennan por participa na un presentacion duna door di expertonan y alavez particpa despues den grupo di 2 à 4 na un “speurtocht” den  museo. Lo bay tin premio pa e grupo ganador y  certificado di participacion pa cada hoben.

   Ta invita  hobennan pa yama y inscribi na Museo Arqueologico Nacional Aruba via telefon  582-8979.

   E actividad lo ta diabierna 26 di februari 2010, di 5:30 p.m.- 7:00 p.m.  Entrada ta completamente  gratis.  Pa mas informacion por tuma contacto  libremtente cu Museo Arqueologico Nacional Arubano di 8:00 a.m.- 4:00 p.m. den siman.

- Advertisement -

DUNA COMENTARIO

Please enter your comment!
Please enter your name here