Valero contento cu e Settlement Agreemnent y ta papiando cu companianan interesa den e refineria
Segun Ray Buckley
ORANJESTAD(AAN): Durante un conferencia di prensa relaciona cu e acuerdo cu Gobierno a logra cu Valero, Ray Buckley kende ta na cabez di e refineria di Aruba a trece dilanti cu e ta hopi contento cu e di dos ‘milestone’ aki, despues cu riba 20 di Januari a firma e Memorandum of Understanding(MOU). E settlement agreement hunto cu e MUO ta duna un apoyo positivo na e buskeda di alternativanan strategico pa e refineria.
Tur dos banda tin team cu a traha cu otro pa e logro y Buckley a gradici tur esnan envolvi den esaki. E proximo fase ta pa e acuerdo worde aproba pa Parlamento.
El a sigui bisa cu tabata tin un diferencia di opinion entre loke Aruba tabata claim y punto di bista di Valero, pero na final di dia conhuntamente a yega na un suma cu ta 118 miyon Dollar cu Valero ta bay paga Aruba.
Pa loke ta companianan interesa den e refineria, uno a firma un asina yama ‘confidentiality agreement’ cu Valero y a bishita e refineria.
Valero ta den proceso di combersa cu tur partido interesa den e refineria. Como parti di e confidentiality agreement, Valero no por divulga cu ken e ta papiando actualmente
