Accidente riba cruzada di Vondellaan
ORANJESTAD (AAN): Bisiñanan eybanda a tende un golpi fuerte! Diahuebs mainta a drenta informe di un accidente cu hende herida na e cruzada Vondellaan y G. Madurostraat, mesora a dirigi tanto polis como ambulans na e lugar.
Na yegada di e patruya a bin constata cu e Toyota Prado blanco cu number A-11331 cu tabata bin di zuid den Vondellaan a bay bira na man robez pa bay pabao den Madurostraat. El a lora dilanti e Toyota Glanza blanco cu number A-18608 cu tabata bayendo zuid den Vondellaan. Asina a ocasiona un impacto frontal.
E chofer di e Glanza a resulta herida, na yegada di e ambulans a atende e victima y a transporte pa hospital.
