Home Social Ada Rubena Varlack-Vanterpool A Celebra 100 Aña

Ada Rubena Varlack-Vanterpool A Celebra 100 Aña

11
0
SHARE
- Advertisement -

Mama di parlamentario señora Lorna Varlack

ada_varlack_fiesta_ORANJESTAD(AAN): Dia 7 di maart 2010 señora Ada Varlack a cumpli e bunita edad di 100 aña. Hunto cu su 8 yiu, familiaresnan y bisiña e fiesta a worde celebra na Renaissance convention center.

   Pa e ocasion special aki su 4 yiu, nieto, bisanieto, hija, sobrina, sobrino, bisiña di antes di Lago Heights  a bin for di exterior pa asisti na e celebracion. 

   Hendenan a bin for di Merca, Hulanda, St. Thomas, Tortola y Curaçao.  

   Gobernador Sr. Fredis Refunjol y esposa, Minister President Sr. Mike Eman y esposa tambe a forma parti di e invitadonan. Mariachi Loco Loco y Sr. Etty Toppenberg a deleita e invitadonan cu nan canticanan.

   Señora Ada Varlack hunto cu su yiunan kier a gradici un y tur cu a haci cu e celebracion di 100 aña tabata un exito. Un regalo hopi special tabata un corant di 100 aña pasa yama “The Evening Star”. Un edicion di 7 di maart 1910. Famia Gibbs-Serrant a regala Señora Varlack esaki.

   Famia kier gradici señora Magaly Willems pa cu e organizacion di e fiesta, e koki sr. Lie Kwie pa e dushi cuminda y e presentacion  sublime di e cuminda, e team di waiter y bartender y e bon servicio y atencion di sr. Alders. Danki pa tur e areglonan di flor, regalonan, telegramnan y bon deseonan. Cu Dios por bendiciona señora Ada Varlack cu bon salud.

- Advertisement -

DUNA COMENTARIO

Please enter your comment!
Please enter your name here