Home Estilo Aruba A Ricibi Un Vez Mas Bishita Di Algun Periodista Di Merca

Aruba A Ricibi Un Vez Mas Bishita Di Algun Periodista Di Merca

8
0
SHARE
- Advertisement -

E motibo principal di nan bishita ta pa publica articulo culinario di Aruba.

Picture Culinary Press groupORANJESTAD (AAN): Recientemente, a bishita Aruba 3 prensa di Norte America, nan a ser acompanja pa Robert Einhorn, di e compañia di Relaciones Publica M.Silver Associates, cual ta hasiendo Relaciones Publica na Norte America pa nos isla.

  Dos periodista di Canada ta Liza Sardi, di e publicacionnan; Sun Media cual ta e mas importante na Canada y otro ta Rebecca Stevenson, kende ta scibi pa Thestar.com and the source for couples. Di Merca ta Heidi Patalano, kende ta scibi pa di Metro News na New York.

E bishita na Aruba tabata hopi cortico 3 dia y mei, asina mes, Oficina di Turismo a prepara un programa hopi intensivo pa nan. Maritza Tromp Lacle coordinadora di Relaciones Publica di Aruba Tourism Authority tabata encarga cu e programa, alavez a duna nan tur e informacionnan necesario.

E grupo a hospeda na Radisson, caminda cu na jegada nan a ser ricibi cu un Welcome Cocktail Party den e hotel su orguyo Larimar Spa, despues nan e ser hiba riba beach cu un ambiente unico, nan a disfruta di un cena excepcional, caminda a nan por a purba un sopi unico, sopi di cadushi sirbi den un pida cadushi tur loke a sigi riba e menu tabata unico, e chef a bin personalmente na Mesa pa sirbi y duna un splikacion di tur loke tawatin riba e menu.  Radisson a ofresenan tur dia desayuno den nan Plaza Room y despues di un Island Tour extenso nan a haya un massage relajante, den Larimar Spa.

Tambe nan a bishita Aloe Factory, caminda nan a haya un tour y alavez a haya un explicacion amplio di e proceso na Aruba Aloe. Nan bishita tambe nos Museo Archaelogico y Museo Historico, caminda nan por a sera conosi y sinja un poco di nos historia, y di nos antepasadonan etc.

 Merdia nan por a disfruta di un almuerzo netamente Arubiano na Nos Cunuco Restaurant ubica na Ponton, cu ta ofrese unicamente cuminda crioyo, na Nos Cunuco na a purba e diferente specialidad nan local, manera Kala, y Galinja Stoba,  Piska hasa cu funchi y pan bati etc..

De Palm Tours a ofrese e periodistanan un paseo riba nan catamaran “ Palm Pleasure”, pa asina disfruta un poco di nos vida Marino, e personal semper atento cu tur nan clientenan abordo.

Papiamento Restaurant a ofrese e grupo aki un Cena, exquisito, y ademas durante e cena aki algun di nan a sera conosi cu e plato traditional Keshi Yena.

E Chef/propetario di Papiamento Restaurant a duna nan un splikacion con pa prepara e plato aki, y alavez a dunanan e receta, pa nan por publike pa nan lectornan por trata di prepare. Tambe Sr. Ellis a mustranan su Wine Vault, cu seleccion amplio di binja, tambe personalmente a duna nan un tour den e Mansion y a contanan un poco di e historia di e cas y e desaroyonan te cu presente.

Maritza Tromp di oficina di Turismo a duna e grupo aki un paseo rond di nos isla, nan bishita prome Oranjestad, despues un bishita na California Lighthouse, Alto Vista, Bushiribana, Natural Bridge, Ayo Rock Formations, Balashi Gold Mill, Spaans Lagoen, Mangel Halto, Zeerover, San Nicolaas, Charlies Bar cu a ofrese nan un lunch y asina conoce un poco mas di e historia di Charlies Bar. Aki nan a disfruta di e specialidad di Charlies bar, cual ta su famoso cabaronnan. Despues nan a bishita Rodgers Beach, Baby Beach, Boca Grandi y paseo door di Parke Nacional. E siguiente anochi e grupo a ser invita pa Senjor Ewald Biemans gerente/propetario di Bucuti Beach Resort pa disfruta di un cena special, e famoso Aruban Menu, cual ta consisti di apetizer, cheeseballs, mini croquette, mini pastechi, pisca tempera, awa di Playa, plato principal ta pisca cu saus crioyo un pida keeshi yena y como postre un pida bolo di cashupete, pida quesillo y ponche crema. 

E grupo aki a regresa nan pais, cu un bunita recuerdo di Aruba y cu un poco mas conosemento di nos cushina local, ya cu e enfoque di e bishita tabata pa concentra riba cuminda especialmente nos cuminda local, cu ta ser sirbi na diferente Restaurant, y algun di nan ta fasil pa prepara cual e lectornan por trata na prepara.

Un di nan comentario despues di nan bishita tabata unda nos a jega hendenan tabata hopi amabel. Tur e informacionnan ricibi ta suficiente pa scibi un articulo hopi interesante di Aruba pa asina atraye mas y mas Turista pa bin bishita nos isla.

Alavez e grupo di Prensa aki conhuntamente cu  Aruba Tourism Authority kier a gradici un y tur di un forma of otro a juda coopera pa e bishita di e prensanan aki tabata un exito rotundo.

- Advertisement -

DUNA COMENTARIO

Please enter your comment!
Please enter your name here