Home General Asesino ta bay mira wela na Paviljoen y a purba huy

Asesino ta bay mira wela na Paviljoen y a purba huy

4
0
SHARE
- Advertisement -

Miembro di CEA a hera traha un buraco mas den su atras…ORANJESTAD(AAN):Un asesino di inicialnan M.L. a hera haya un otro buraco mas den su atras despues cu el a purba huy. A base di un peticion haci na KIA e asesino aki a haya ok pa bay mira un familiar na Paviljoen ex hospital bieu. Ora cu e personal di CEA tabata cune na dado momento e preso aki a huy. E personal di CEA no a bacila y ta sali su tras. Den coremento naturalmente e preso a slip cay pero asina mes medio tolondra a sigui core. El a drenta un di e pasiyonan den Paviljoen haciendo su intentonan pa huy. Segun e tabata purba core e miembronan di CEA tabata su tras. Na dos occasion a bise para pero e tabata sordo pa e advertencianan aki. El a bula un cura te hasta y rascal su brazanan.

Esnan cu a mire bula a grita e miembronan di CEA cu e porta ta habri y nan a pasa den e porta sigui su tras. Den e di tras advertencia pa e asesino para naturalmente a krenk pistol tambe. E di cuater advertencia sigur a sali cu un tiro.

E preso aki no ta kens y a comenta esey tambe cerca algun hende na KIA. El a admiti tambe cu dos occasion a bise para y na di tres ora cu el a scucha e arma krenk el a dicidi di para pasobra e tabata sigur cu nan por a tira riba dje.

Te hasta e preso asesino aki a laga sa cu na prome instante e dos advertencianan no tabata duna espacio pa e miembro di CEA tira pasobra tabata den Paviljoen na un lugar menos adecua.
Na di tres advertencia si e preso a mira cu aki tin suficiente espacio pa un tiro bay.

Pesey mes el a para. E miembro di CEA asina a bay vloer cu e asesino aki. Ta haya straño con un preso asina ta djis pidi pa bay mira su wela na Paviljoen y ta permitie tambe. E wela no ta malo cu mester bay mire.

Ora cu un hende ta malo por haci excepcion pero den e caso aki esey no tabata e caso. Awor en adelante unda cu hiba e preso aki lo zorg pa e tin boei na man y pia pa evita cu e por purba huy atrobe. E preso aki ta sera relaciona cu un asesinato den un parada na San Nicolas algun aña pasa.

- Advertisement -

DUNA COMENTARIO

Please enter your comment!
Please enter your name here