Home Economia Asociacion Di Timeshare Ta Sigui Dilanti Cu Iniciativanan Pa 2010

Asociacion Di Timeshare Ta Sigui Dilanti Cu Iniciativanan Pa 2010

2
0
SHARE
- Advertisement -

atsa_ (1)ORANJESTAD (AAN) : Miembronan di Aruba Timeshare Association (ATSA) a topa durante cena y a brinda pa e logronan di 2009 y cu un bista padilanti pa envolvimento continuo den e industria turistica cu iniciativanan pa 2010.

E asociacion su get-together a ser teni na Windows on Aruba, na Divi Village Golf & Beach Resort, cu representantienan di e propiedadnan di timeshare di, Marriott’s Aruba Surf Club, Marriott’s Aruba Ocean Club, Casa del Mar, Costa Linda Beach Resort, Aruba Beach Club, La Quinta, Paradise Beach Villas, Caribbean Palm Village, Amsterdam Manor, La Cabana, Divi Aruba Phoenix, Renaissance, Occidental y Playa Linda Beach Resort como tambe De Palm Tours.

   “Apesar di retonan, 2009 por ser categorisa como un bon aña pa e industria di time share na Aruba. Nos miembronan tabata pro-activo den provee nan servicionan di nivel halto na huespednan di timeshare a proba di ta infalible den nan lealtad na e isla y nan timeshare resortnan faborito,” asina Jan van Nes, president di ATSA a comenta. “Den 2010 ATSA lo traha deligentemente pa segura e salud continuo di e industria, kedando activo, tanto localmente como tambe riba e escenario internacional, trahando cu e American Resort Development Association (ARDA).”

   Na comienso di 2010, ATSA a participa den un intercambio di punto di bista cu gobierno y tabata tin perspicacia den Aruba su industria di timeshare y e expectativanan di e comunidad extenso di doñonan y bishitantenan di timeshare. Durante e reunion na januari, representantenan di ATSA tabata tin un productivo encuentro cu Minister di Turismo, Transporte y Labor, sr. Otmar Oduber. Dialogo y participacion door di ATSA lo sigui na momento cu Aruba ta fihando como meta pa trece cambio mehorando su producto. 

   Denter di e industria di timeshare mes, ATSA ta sostene cambionan den legislacion di timeshare cual lo ser oficialisa na final di e aña aki y lo extende na iniciativanan regional buscando pa ta anfitrion di ARDA su convencion di Caribe aki na Aruba. Na mes momento, mehoracionnan di Aruba su producto general di timeshare lo keda realisa atraves di data colecta durante di inspeccionnan di e Grupo Freeman na hotelnan di timeshare aña pasa. Por conta ariba cu den tur su iniciativanan dirigi pa, drecha e calidad di e experiencia di propietario di vacansi y mehora e producto turistico di Aruba,  cu e miembronan di directiva y veteranonan di e industria, ATSA President Jan van Nes, Tesorero Andy Osbourne y Secretario Aisa van der Biezen, lo sa di lidera e esfuerso debidamente. 

   “Nos tin un compromiso tanto na Aruba y e industria di turismo como na nos guestnan di timeshare, kendenan ta comparti cu nos un aprecio pa e isla y e experiencia unico cu e ta ofrece,” asina a remarca Van Nes. “ATSA ta mira 2010 como un aña durante cual oportunidadnan ta bonda pa mas logro denter di e industria di timeshare pa e beneficio di Aruba como tambe pa su segmento di bishitante mas leal, esta, su propietarionan di timeshare.”

   Estabeci na 1994, ATSA ta e bos reconoci y entitdad legal cu ta representa e interesnan special di esnan cu ta doño di nan vacansi na Aruba. E miembrecia di e asociacion ta inclui propiedadnan di timeshare y asociacionnan di condo co-op. E ta funciona riba nivel local, como miembro sostenedor di Aruba Hotel and Tourism Association (AHATA), y otro organizacionnan local como tambe entidadnan di gobierno. Riba un nivel regional, unda Aruba ta sigui ricibi reconocimento como un modelo pa destinacionnan di timeshare, ATSA ta sigui reforsa su lasonan cu CHA, the Caribbean Hotel Association, y ARDA, the American Resort Developers Association.

- Advertisement -

DUNA COMENTARIO

Please enter your comment!
Please enter your name here