Atracadornan a drenta cas di famia Chines y maranan
Yiunan a keda spanta na Pavia Park….
ORANJESTAD (AAN): Awor e area aki tambe a bira peligroso! Autoridad a bin ta notando un aumento den caso di robo den e area aki, y Diamars anochi e situacion a empeora! Tabata laat cu Polis a a ser yama pa presenta cu urgencia na Pavia Park 144 pasobra atracadornan a drenta e cas y mara e famia. E patruya di Oranjestad tabata mesora na e lugar. Aki nan a bin haya un cas, cu un cura basta halto! Nan a haya nan ta bula cura y bay topa cu e famia cu keto bay ta den un susto grandi. Parce cu e atracadornan a drenta for di porta di bentana di un camber y asina sorprende e famia.
Un familiar cu a yega a bisa cu e dia anterior caba alarma a activa. Den e caso aki e atracadornan, kende parce di tabata papia Papiamento, y na forma brutal a mara e famia chines y reboltea henter nan cas.
Asina a logra baha na awa cu holoshi y renchi di oro balora na 13 mil Dollar. Tambe un suma di placa cash a somenta for di e cas.
E tipo di atraconan aki ta netamente loke cu a ser papia di dje algun dia pasa den temporada di carnaval. Awor cu tabata tin wowo riba nan a cambia di dia y Maart a drenta y atraconan a cuminsa.
Atraco Team a ser yama pa e caso aki y lo traha riba e caso pa pone man riba e atracadornan. Polis cu a yega na e lugar, a calma e muchanan den cas cu tabata basta spanta.
