Auto a-30190 tabata baha for di San Nicolas den forma hopi iresponsable
Polisnan a hasta bay su tras!
ORANJESTAD(AAN): Diaranzon mainta chofernan a spanta ora cu nan a mira un Toyota Scion color preto coriendo manera loco riba e caminda di playa pa San Nicolas. E auto aki A-30190 batata tin plachi di number bieu. El a pasa hopi duro bay abao banda di 8or pasa na luz di trafico aeropuerto. Pa colmo e polis femenino cu ta core brommer tabata para bao di palo un tiki mas pabao.
El a mira con e auto a pasa bin abao pasando riba e stripi blanco y sigui core mey mey di caminda pasando auto aunke e trafico di direccion contrario tabata biniendo. Segun e tabata bay abao na Camacuri e tabata sigui pasa auto.
E polis motoriza a bay su tras pero e ventaha tabata demasiado. Parce cu e polis ni sikiera a haya chens di coy su number pasobra e auto a logra patras di Talk of The Town ora cu el a constata cu polis tabata su tras. E polis tambe a drenta den verboden y bay patras di Talk of The Town.
E polis motoriza a mira y topa cu e auto A-30190 y a pasa bay sin pare pasobra segun polis no ta e auto ey. Mientrastanto testigonan si a reconoce e auto y e number pasobra el a pasa nan riba e caminda.
Pa colmo e number di auto tabata bieu y esey tampoco a yuda pa pare pa un control. Finalmente kizas e susto cu el a ser capta pa polis por haci e chofer mas conciente pa futuro. E auto mes ta registra den un caya na San Nicolas.
G. Rozenberg
Bon dia permitimi duna mi comentario.
E sorto di hendenan cu ta actua asina riba nos camindanan,pone otro hende nan bida na peliger,e persona aki,mester worde deteni,kita su rijbewijs,y pone e auto den beslag.