Caso contra abogadonan y nan clientenan na Corte awe
ORANJESTAD (AAN): Diahuebs na corte di husticia ta abogadonan E.D. y P.M.E.M conhuntamente cu E.F.M, L.E.M y M.V.C mester presenta dilanti di huez. Nan a worde acusa di pa baha e derechonan di acreedornan di L.E.M., na un manera fraudulento, a (entre otro) saca un of mas articulo di e ‘boedel’, ya cu durante e bancarota a keda sin informa y/of responsabiliza un serie di hechonan cerca e curator y di e manera aki a tene e cosnan y/of goederen y/of sumanan aki pafor di maneho di e curator, door di cual e derechonan di e acreedornan di e bancarota a worde limita.
Esaki a sucede den e periodo di 26 di September 2002 te 7 di Mei 2009. P.M. ta worde acusa di lo ariba menciona den e periodo di prome di januari 2007 te 7 di Mei 2009.
D. ta worde acusa tambe di posesion di patronchinan skerpi riba 16 di juni 2008, sin cu e tabatin permiso pa esaki. E caso ta bin dilanti Pro-forma.
Despues ta bay tuma lugar un caso den cual E.J.C. ta worde acusa di a, cu violencia of menaza cu violencia, resisti contra polis riba 18 di Januari 2009, door di zway cu su brazanan y/of trek na uniform di e polisnan y/of rasca cu huña y/of scop y/of dal, a consecuencia di cual un di e polisnan a sufri daño fisico.
Ultimo caso awe ta un caso den cual B.K. ta worde acusa di exportacion di cocaina riba 19 di November 2009.
