Celebracion 166 Aña Di Independencia Di Republica Dominicana
ORANJESTAD (AAN):— Na Sede Consular di Republica Dominicana Na Aruba a wordo tene e celebracion di Conmemoracion di 166 aña di independencia Nacional di Rep. Dominicana.
E anochi tabata grandi y hopi persona tabata invitadonan especial entre otro Sr. Jossy Mansur y su distiguida Señora, Prome Ministro di Aruba, Sr.Mike Eman y Sra. Doina Eman, Sr. Andin Bikker, Sra. Nicole Hoevertsz, Sr. Vrolijk, Sr. Andy Lee y Señora, Sr. Robert Jeandor, Sr. Padu Lampe y diferente consul riba nos pais.
Esnan cu a hiba palabra ta Prome Minister Mike Eman, kende a trece un discurso hopi bunita y Sra. Cecilia Arends, kende a elabora ariba e presencia di e Dominicano nan na Aruba y cu nan ta hende nan conoci cu ta traha duro y cu hopi ambiente y ta percura pa bay dilanti por medio di propio esfuerzo.
Por ultimo a hiba palabra e Sra Consul kende a presenta un tremendo discurso cu na final a wordo aplaudi y hopi comenta pa tur esnan presente. Mientras cu Sr. Eric d’Arnault a pone un pin especial riba e bisti di e Sra. Consul.
Ademas a entregue un girasol pasobra Sra. Consul ta gusta girasol. Pabien na tur e Dominicano residencia ariba nos isla y ban sigui traha conhuntamente pa hiba nos dushi isla Aruba dilanti.
