Ceremonia na Aruba cu e yegada di Hr.Ms. van Speijk
ORANJESTAD (AAN): Diahuebs mainta tabatin ceremonia protocolario y cu tiro nan di saludo, na bandera Hulandes y Gobernador di Aruba na momento cu e “Stationship Hr.Ms van Speijk” pa Antiyas Hulandes y Aruba, ora el a drenta e waf di Oranjestad. Despues di e tiro nan aki e fregata a contesta e grupo di militar di Marinierskazerne Savaneta cu lo ta staciona dilanti di Cas di Gobernador di Aruba.
Hr.Ms. Van Speijk lo contraresta entre otro e contrabanda di droga pa Marina Real Hulandes y Guarda Costa di Antiyas Hulandes y Aruba y tambe lo yuda den calamidad nan causa pa horcan. E fregata no ta uno desconoci den e area di Caribe. Un aña y mei pasa Hr.Ms. Van Speijk a intercepta e transporte di droga mas grandi den nos region y durante su ultimo presencia den Caribe, cual ta October 2009, Van Speijk tabata un exito y a intercepta 900 kilo di marihuana.
Relaciona pa cu su trabou nan den Caribe e fregata y su tripulacion a haya un amplio entrenamento na e waf Britanico Plymouth. E tripulacion a wordo entrena pa e mayor trabou nan cu mester wordo haci durante e lunanan proximo. Ademas di e trabou nan pa combati transporte di droga, e barco lo duna sosten den posibel calamidad nan causa pa horcan.
Despues di entrenamento y prome cu e barco a sali pa Corsow, e tripulacion a tuma parti tambe di e curso di trabou nan submarino.
Hr.Ms. Van Speijk ta un fregata cu tin multiple proposito y ta ekipo nan sofistica pa defensa aero, defensa submarino y superficie, tin un largura di 122 meter y hanchura di 14.4 meter y un profundidad di 6.2 meter y por yega na un maximo di 29 nudo. Ademas Hr.Ms. van Speijk tin abordo un helicopter Westland Lynx y un sistema di arma sofistica. E tripulacion ta consisti di 158 mariniers y ta bou maneho di e Kapitein-Luitenant-ter-zee Peter Reesink.
