Home Estilo Clientenan Di Flora A Goza Di E Mainta Di Coffie

Clientenan Di Flora A Goza Di E Mainta Di Coffie

2
0
SHARE
- Advertisement -

coffie_flora_ORANJESTAD (AAN): Diasabra y diadomingo tabata tin un dushi Mainta di Coffie na Flora hunto cu Taste of Belgium na unda Flora a invita pueblo di Aruba pa bin pasa un rato agradabel na Flora cu un copi coffie of juice y bolo, disfrutando di musica y un ambiente nobo.

   Flora a renoba nan tienda y su layout ta diferente cu e clientenan ta custumbra di wak. Tin hende cu a goza di e boutique di flornan fresco caba, pero e dia aki el a destaca aun mas.

 

Na e boutique nobo bo por cumpra diferente areglo di flor pero tambe por traha y laga traha bo mesun estilo di areglo.

 E tienda aki ta den un area apart door cu e temperatura ta worde regla pa e flornan keda fresco.

   Tambe, Flora a ricibi hopi articulonan pa Pasco Grandi! Tin diferente decoracion y colornan trendy di Pasco Grandi cu webo y haas pa goza di un dia festivo. Y no lubida, a bin container nobo cu diferente tipo di mata. Tin tambe vaasnan, cusinchi y mueble cu nan ta ofrece cu coleccionnan varia pa satisface diferente gusto.  Manera Aruba ya ta custumbra cu n’e, Flora ta trece e trendnan excepcional di mas nobo y di calidad pa bo cas y hardin pa trece e toke unico den bo cas.

   Un y tur ta invita pa bin mira tur locual ta nobo pasobra pa un dia di shopping yena cu inspiración, bo mester pasa na Flora!

- Advertisement -

DUNA COMENTARIO

Please enter your comment!
Please enter your name here