Comerciante Kenneth Lacle laga den libertad
E ta para ariba cu ta berdad el a papia dilanti huez…
ORANJESTAD(AAN): E comerciante Kenneth Lacle a ser laga den libertad diahuebs atardi.
E tabata sera na warda di Polis na Santa Cruz y algun dia pasa cu el a presenta dilanti di huez comisario cu a prolonga e detencion cu ocho dia mas. E detencion di e comerciante a tuma lugar den corte despues cu el a duna declaracion encuanto un arma den un caso di droga.
Parce cu ta tilda Kenneth Lacle di a traha carta of duna declaracion falso pa scapa un persona relaciona cu shotgun.
Kenneth Lacle a laga sa cu ta berdad el a bisa huez y no por cambia su declaracion. E no ta bay benta su negoshi afor pa defende un hende a base di gañamento.
Mientrastanto e ta den libertad y awor ta di spera cu e problema aki no perhudica e comerciante aki su relacion cu gobierno mirando e negoshi di benta di arma y bala cu polis y otro departamentonan.
