Home Estilo DIGICEL Y RIM Cu Otro Presentacion Exitoso Pa Clientenan Comercial

DIGICEL Y RIM Cu Otro Presentacion Exitoso Pa Clientenan Comercial

0
0
SHARE
- Advertisement -

Hopi negoshi ta cambiando pa BlackBery Enterprise Server Express

Digicel_BES_4ORANJESTAD (AAN): Despues cu Digicel a anuncia lanzamiento di nan servicio di “BlackBerry Enterprise Server Express”, mesora un cantidad di negoshinan a dicidi di cambia pa e servicio special aki, ofrece door di Digicel. E compania di celular cu mas ta creciendo na Aruba, Antiyas, den Caribe, Centro America y awor hasta den Oceano Pacifico a sera un acuerdo cu e compania RIM (Research in Motion) di BlackBerry pa trece e servicio inovador aki pa Aruba.

Diamars ultimo a haci un presentacion na un otro grupo di comercio, interesa pa siña conoce e bentahanan mas di cerca, di e BlackBerry Enterprise Server Express. 

Ta trata aki di un producto nobo di RIM obtenibel pa negoshinan di tur tamaño – na un costo relativamente abou y cu un Microsoft Exchange of Microsoft Small Business Server existente. Na un forma hopi facil, usuarionan di BlackBerry tin un cantidad di informacion y instrumento pa maneho di informacion na nan punta di dede y por haci uso di e varios caracteristicanan manera e “push technology” cu ta entrega mensahe- y informacionnan na celularnan BlackBerry den cuestion di seconde; sincronisacion “wireless” dunando acceso mobil na email di negoshi, calender, contactonan, lista di tarea y memonan, documento y acceso na archivo, mensahenan instantaneo y sin lubida acceso na rednan social (Facebook, Twitter, etc) y caracteristicanan di seguridad mehora- tur esaki sin mester conecta na bo computer.  

Y loke ta masha importante, BlackBerry Enterprise Server Express ta brinda caracteristicanan avansa pa smartphone pa negoshinan sin ningun cobransa pa licencia di software of cobransa adicional di licencia pa cada usuario – y ta traha cu cualkier data plan pa internet di BlackBerry of un data plan comercial di BlackBerry. E por ta un alternativa di menos gasto pa negoshinan cu kier maneha e celularnan BlackBerry cu empleadonan a cumpra y paga pe, pero cu ta worde usa pa trabao.  

Special pa e presentacion durante di e evento, Digicel y RIM a ofrece un oferta di un BlackBerry 8520 gratis, ora sera un pakete di 335 minuut pa luna. Tambe e BlackBerry 8900 gratis cu un pakete mensual di 400 minuut. A ofrece 25% di descuento riba e modelo BlackBerry 9700 pa cualkier persona cu a bira cliente durante e anochi aki, via un di e paketenan di postpaid.

Tambe a rifa un BOLD 9700 entre e presentenan durante e mesun evento aki. Na final Digicel y RIM a regala algun recuerdo di BlackBerry entre tur esnan cu a bin sera conoci cu e mundo sin limite di BlackBerry Enterprise Server Express, specialmente pa negoshinan.

- Advertisement -

DUNA COMENTARIO

Please enter your comment!
Please enter your name here