E contract cu ta costa pueblo un monton di placa cu BINOP a worde para
Parlamentario Lainda Kemp:
ORANJESTAD (AAN): Luna pasa parlamentario Lainda Kemp-Westerhof a dirigi un serie di preguntanan na Minister Arthur Dowers tocante NOP (Nationaal Onderwijs Plan). E motibo di esaki tabata su preocupacion tocante e situacion unda a worde lanta BINOP (Bureau Implementatie Nationaal Onderwijs Plan) pa asina ehecuta e NOP cu tabata mara na un contract sumamente ridiculo. Den e contract aki e persona cu mester a keda encarga pa haci e NOP posibel ta gana Afl. 20.000,- como salario pa luna, Afl. 8250,- ta worde paga na huur di edificio y sin conta e Afl. 4100,- cu ta worde paga na awa, corriente y gas.
Esaki ta sin conta tambe e mantencion di e pool den e cura y gastonan adicional cu por worde haci pa seminarionan y lectura cu no ta inclui den ningun di e sumanan cu ma menciona. Desde cu e contract a worde firma entre e BINOP ( pues e compania cu a worde lanta netamente pa realisa e NOP) y e minister anterior a pasa 8 pa 9 luna y nada a worde haci.
Mester a entrega 4 indicadornan hunto cu un rapport pa asina esaki worde manda pa e comishon europeo pa asina aproba esaki pa Aruba, cual te dia di awe esey no a worde realisa pero tabata cobra e placa si.
Na momento cu e parlamentario a puntra e minister di con no a haci usa di por ehempel Directie Onderwijs o Financien pa cu esaki Minister mes no ta compronde e di con y basta documento tocante esaki e no a haya y ta te na ultimo a bin logra haya e contract aki.
Minister a bisa e parlamentario cu e no ta compronde y ta straño cu no a worde teni un openbare aanbesteding y no a contacta DWJZ pa conseho pa cu esaki ya cu ta worde considera algo hopi importante pa Aruba y nos enseñansa y ningun caminda ta aparece un ministeriele beschikking di esaki Tampoco.
E parti bon si ta cu gobierno a logra na tempo pa medio di Directie Onderwijs entrega e informacion hunto cu e indicadornan cu tabata falta y awor ta simplemente un cuestion di warda riba un respuesta cu ban spera cu tur cos bay bon pa asina Aruba por cay den remarca pa obtene e placa di e fondo aki pa cu nos enseñanza.
Y mas mihor ainda Minister a para e contract di e persona cu lo mester a bay te 2014 y awor e mester worde paga te cu 30 di juni. A termina e contract paso nada ta worde produci di esaki, mas bien pa e persona si y no pa enseñanza paso e sit a cobra un dineral.
Aruba tin mester di e fondo aki, nos enseñanza mester di dije mas cu nunca y si nos logra esaki ta algo sumamente positivo. Pero mester tene na cuenta si pa e tipo di cosnan aki o manera di haci e tramitenan pa logra haya algo asina no por pasa di e forma cu el a pasa.
No por ta schoolnan y ensenjansa ta suplica atencion y nos ta malgasta placa di e forma aki, paso e suma di Afl 32.350,- pa luna cu e meneer aki tabata cobra durante e periodo aki por a worde inverti den nos enseñanza y por a laga un instancia manera Directie Onderwijs y Financien encarga cu esaki.
Pues parlamentario ta hopi mas tranquil cu e respuestanan di e minister y lo keda warda di forma positivo riba un contesta di e comishon europeo di enseñanza.
Husticia awo!
Bon ta ki dia e tal Investigashon Cientifico ta cuminsa anto, of e tal Investigashon ei a keda na aroz con coco?
Marina Tromp B.V.
No manda ami bai puntra minister President di Aruba ta ki dia e tal Investigashon Cientifico ta cuminsa, bai bo mes puntra Mike Eman ta ki anja anto???
Manolo
E berguenza di mas grandi no ta apenas e salario aki sino e propio “plan nacional di ensenjanza”. E plan a costa hopi placa tambe y e resultado ta un berguenza nacional. E plan di Marisol y algun experto privilegia no ta responde na e necesidadnan real pa cu educacion na Aruba y e retonan pa e proximo decadanan
Mia
si esun cu a cobra no a produci pone paga back . paso e ta tin tur su gastonan paga , hasta pool? pakiko esey? tin hopi hende cu apenas ta yega pa paga nan gastonan di luna. nan ta traha honestamente pa e dushi baranca aki . i un jiu di tera ta masacra e caha di gobierno sin ningun excrupulo? pone dilanti mesa berde sr. Dowers . e mester duna back loke e NO ta tin derecho ariba dje.
Leo Croes
Si a menasa miembronan di un departamento cu a wordo sera pa e Gobierno anterior di cobra lokwal a wordo paga na Arubianonan cu set up e department, y cu pa 8 anja nan no por a habriele, pagando hende nan monton di cen, pakiko no ta cobra e persona sin etica alguno cu a biba lekker asina largo?