E investigacion cu ta na caminda lo determina si ta bay tin castigo di prison pa Nel Oduber!
Fuentenan directo na Hulanda:
ORANJESTAD(AAN) For di su fuentenan fidedigno na Hulanda, DIARIO a ser informa ayera nochi cu e investigacion di Hulanda riba e corupcionnan barbaro cu a tuma lugar na Aruba durante e 8 añanan di e Gobierno di MEP ta bay cuminza, preferible cu e cooperacion di Aruba, y si Aruba no coopera, anto Hulanda lo hacie riba su mes. Pero, e investigacion ta bay cuminza!
Segun e mesun fuentenan ey, Nel Oduber ta purbando di tur manera posible di scapa curpa di e investigacion cu ta na caminda, pero no ta bay logra pasobra e investigacion ta bay tuma lugar y e ta e figura principal cu lo ser investiga pa e tantisimo actonan di corupcion durante su dos periodonan di gobierno.
E yamada di SP ta pa haci e investigacion riba Oduber y no cune! “Oduber ta un figura gobernante inconfiable”, Ronald van Raak, miembro di SP a declara. Su colega di PVV, Hero Brinkman a bisa cu Oduber ta parti di e gobierno corupto na Aruba.
El a yama e ex-Premier Arubiano, Nel Oduber, “un di e bandidonan mas grandi di e isla”. Di su parti, Ter Horst a pone enfasis cu Hulanda ta desea pa haci e investigacion cu e cooperacion di Aruba. Pero, si Aruba nenga, Hulanda ta bay duna orden pa e ser haci!
E opinion di un conocido político Hulandes ta cu Nel Oduber no mester scapa di su castigo di prison. Segun varios político ayanan, Nel Oduber a hunga un rol importante den e cadena di corupcionnan cu a tuma lugar durante e 8 añanan cu el a encabeza e gobierno di Aruba.
Tin hopi expectativa actualmente pa e investigacion independiente cu a cuminza duna señalnan di bida!
J.B
Diario, bon día. Mi ta sugerí pa Diatio sigi, y si ta posible tur día di hinka palo bow di candela pa gobierno tambe sigi hinca palo bow di candela cu Hulanda pa cuminza cu e invistigacion, pasobra ya esaki ta tardando caba pa e asunto no cuminza fría, pasobra mi ta ripará cu cada día nan boca ta birando mas grandi (gobierno anterior)
ARUBIANO MI TA.
Mi ta kere a jaga tempo pa nel bai sinta tras di
trali.i si tin algun miembronan di mep ku ta contra e trabaonan asina valioso ku avp a hasi
te aworaki,anto pone nan tambe tras di trali
pasobra nan ta complice.danki