Home Editorial E tremendo trabao di Arthur Dowers!

E tremendo trabao di Arthur Dowers!

1
1
SHARE
- Advertisement -

jossy_mansur_pic      Tin biaha mi mester admiti cu razonamento na Aruba a para bira scars, y cu na lugar di medita prome cu papia, o skirbi, hopi ta los lenga o pen como si fuera nan ta haciendo un gran cos na beneficio di comprension y progreso. Por ehemplo, mi a lesa un articulo ayera den DIARIO tocante e medida cu dos oficial di Polis a recomenda nan Ministro, pensando cu e lo ta un contribucion na e buena marcha die proyectonan di Ley, di control y di orden publico cu e Ministro a inicia desde cu el a asumi e direccion di e departamento importante di Husticia.

      Como un bon conductor di asuntonan di interes general, e Ministro a acepta e recomendacion di kendenan ta conta cu su confianza y a aprobe. Cu e medida a topa cu e resistencia di por lo menos un sector importante di comunidad (OPC), ta comprendible, pero loke no ta comprendible ta e reaccion carga cu cinismo, bofon y hasta desprecio di kendenan ta gaba di ta PR nan profesional, y presentadornan di un Aruba nechi na e turistanan cu nan ta aborda casi tur dia. Pa diferencianan di opinion no tin nada miho cu un dialogo franco, unda respet mutuo mester predomina! Problemanan ta ser soluciona na mesa, no cu griteria riba caya.

      Ta ken por hinca den su cabez cu Arthur Dowers, como Ministro di Husticia, por haci cualke atentado intencional contra e industria turistico di Aaiba? Si tur loke e gobierno di cual e ta forma parti a haci te awor ta promove e industria ey, treciendo back KLM y pronto Carnival Cruise Lines, y invirtiendo hopi placa den e mercado Mericano. Ta ki clase di logica anto ta bisa nos cu cualke Ministro di Gabinete Eman ta bay actua contra nan propio medida nan? Y Ministro Otmar Oduber no ta na California pa come cabaron, sino pa busca e

medionan adecuado pa amplia e industria y pone supera su propio record. Ban ser realistico: Ministro Dowers a tuma un decision recomenda na dje pa expertonan di Cuerpo Policial cu a obra di buena fe, convenci cu loke nan ta haciendo ta bay contribui na e mehoracion di orden publico. Esey ta nan tarea y nan obligacion!

      Di cu e medida por afecta algun sector di comunidad negativamente ta aceptable y mester traha hunto pa coregi loke sea por ta defectuoso den dje, si esey ta e caso. Pero, Janza un critica severo contra un Ministro cu ta haciendo su best pa mehora no solamente orden publico, sino enseñanza tambe y e otro responsabilidad nan cu ta toke, ta parcemi hopi exagera.

      Mi ta completamente di acuerdo cu e aporte o contribucion di e OPC nan na nos industria turistico; nan ta forma un parti integral di e, grupo di ciudadanonan cu a haci e industria ey grandi y importante. Y! si e medida aki ta afecta nan den cualke grado importante, ta na su lugar pa reuni cu nan y delibera riba e asunto sin imposicion di ningun clase. Y na lugar di pensa riba protesta, pakico no tuma contacto cu e departamento o Ministerio concerni pa pidi un reunion pa bay den un deliberacion profundo riba e problema? Mi ta sigur cu e peticion lo ser honra y e partenan concerni lo haya otro na mesa.

      Y finalmente, Polis no a start ningun guera cu ningun hende na momento di enfrenta marketing riba caya, pasobra nan a obra segun nan vision di loke orden publico mester ta. Den nan concepto, e medida recomenda lo ta pa surti efectonan positivo riba bienestar general, ya cu nan ta den un buskeda constante pa garantiza poblacion e miho servicio di proteccion posible, y pa crea e trankilidad necesario cu ta bay hunto cune.

- Advertisement -

1 COMMENT

  1. Ranka nan orea sr. Mansur paso ainda nan tin nan Bril di palo bisti,

    2001-2009 tenpo di e minister di “INHUSTICIA i CORRUPSHON” (Rudygate) no tabatin reclamo ni maske cuanto DIARIO ARUBA tabata trece e mal echonan di e minister “INHUSTICIA i CORRUPSHON” dilanti!

    Ta di compronde sr. Mepie tin su “BRIL di Palo” ainda bisti? Mepie ta 2010 i juda prepara lugar den Korectie Instituut Aruba (KIA) pa ja bosa caba pa kennan.

DUNA COMENTARIO

Please enter your comment!
Please enter your name here