Home Social EDJEAN A Sobrepasa Tur Expectativa Un Bes Mas

EDJEAN A Sobrepasa Tur Expectativa Un Bes Mas

0
0
SHARE
- Advertisement -

Magnifico concierto!

gradici_edjean_1ORANJESTAD (AAN): Diabierna ultimo den un Mr. Jazz completamente yen, e concierto “Cantando pa su pueblo” a worde presenta pa un publico sumamente entusiasma y orguyoso, cu a biba cada momento cu hopi sintimento. 

   E repertorio presenta por worde considera como e mihor cu Edjean a presenta te aworaki den su conciertonan. Desde e entrada di Edjean te cu e ultimo cancion, e emocionnan tabata halto.

Cancionnan cu hopi significacion pa tur hende. Sintimento di alegria, tambe di nostalgia, y de vez en cuando te hasta tristeza, por a worde sinti den Mr Jazz.

  Durante henter anochi por a nota varios persona deramando lagrima na momento cu cancionnan nostalgico a worde interpreta.

   Edjean a sobrepasa tur expectativa un bes mas. Cu cada concierto por ripara un adelanto impresionante di su dominio vocal y su forma di presenta su conciertonan. Un señor orkesta, cu a worde estrena como orkesta nobo di Edjean, a percura pa e acompañacion musical cu tabata magnifico. 

   Edjean tambe a duna oportunidad na dos hoben masha talentoso pa presenta e anochi aki cu tabata Kimberley da Silva y e invitado special kende tabata Jonathan Croes cu a duna un presentacion di kita sombre. 

  Na final, tur esnan presente den Mr Jazz tabata masha satisfecho cu un concierto fantastico y masha orguyoso di Edjean, cu un bes mas a demostra su empeño pa promove nos herencia cultural y pa keda mantene nos identidad bibo.

  Pabien na tur esnan cu tabata presente pa apoya y demostra aprecio na un yiu di tera!! Pabien tambe na Edjean pa un tremendo y fabuloso concierto!!

- Advertisement -

DUNA COMENTARIO

Please enter your comment!
Please enter your name here