Home General Encuesta Parlamentario ta unico manera pa para Ritz Carlton

Encuesta Parlamentario ta unico manera pa para Ritz Carlton

5
0
SHARE
- Advertisement -

andinbikeerORANJESTAD (AAN) — Bin cu un encuesta Parlamentario ta e unico manera pa para proyecto di Ritz Carlton. Asina mr. Andin Bikker, lider di fraccion PDR, a bisa den conferencia semanal di prensa, ayera. Esaki debi cu den un encuesta parlamentario, por investiga cosnan y pone pruebanan riba mesa. “ Un di e cosnan cu nos a constata den e reunion di Parlamento riba Ritz Carlton ta, cu tin un documento pasa na Notario, cu entre otro ta stipula cu tur e rekisitonan a worde cumpli cune.
“ Pero caminda cu mi informacionnan ta e no ta asina, anto si ta asina, nos por saca esaki riba mesa. E documento ey ta nulo, hasta por tin hechonan castigable pasobra e Acta ey ta falso.

“ En todo caso, mi a wak un proposicion cu aparentemente AVP kier pidi, pa un di dos conseho huridico, pero esaki so mi no ta kere ta bay ta suficiente, pasobra e hechonan cu tin riba mesa aworaki, merece di un tiki mas investigacion.

“ Y e instrumento legal den man di Parlamento ta un encuesta parlamentario. Si boso ta corda, ocho aña pasa mas of menos, pa e caso di racetrack tabata tin un encuesta parlamentario, y aworaki riba Ritz Carlton, mi ta kere, tin tur prueba, en todo caso cu cos no a bay bon, y pesey e instrumento pa haya mas informacion riba esey ta un encuesta Parlamentario”, mr. Bikker a reitera.

El a agrega cu no mester bay confia solamente riba un institucion na Hulanda pero Aruba mes tin su instrumentnan legal pa haci un investigacion propio y haya sa mas di e materia.

“ Den e reunion aki a bin diferente prueba nobo cu ta indica cu tabata tin, aparente actonan castigable cu a tuma lugar”, mr. Bikker a señala.

El a entrega prensa un copia di un documento cu ta prueba di un transaccion di tur e desaroyonan unda cu meneer Sanders ta pidi na titulo personal un tereno hopi valioso, banda di beach.

“ Y despues no ta wak cu dia 27 di October, ora cu sra. Marisol Lopez Tromp ya ta demisionario, un dia prome cu el a huramenta pa Parlamentario, e ta haya e documento aki aparentemente envia na su cas, inoficial, pasobra el a drenta dia 29 pero ya caba dia 27 el a firma pa e haya e tereno y reserva e di dos pida, unda cu den e documento aki ta para cu nan no a cumpli cu ningun stipulacion den pasado.

“ Aparentemente, dos biaha e opcion tabata verbal y asina mes por mira cu e grupo aki, na final di dia ta relata na señor Neme. Y esaki ta un di e casonan, tin otro cinco tereno valioso den un average di 500 mil pa miyones ta worde pasa di un manera directo of indirecto pa e comerciante aki.

“ Si bo wak e caso cu a worde hiba na Curacao di e diputado Godett y kico a tuma lugar den e caso specifico aki, anto mi ta haya cu akinan tin aparentemente, hecho y circumstancianan cu ta mustra cu actonan castigable lo a tuma lugar.

“ Y den e caso ey ta tarea di Ministerio Publico, pero Parlamento tambe tin su encuesta parlamentario”, mr. Bikker a reitera.

Como otro ehemplo, el a bisa cu na Hulanda tempo di e “bouwfraude” Tweede Kamer a haci su investigacion cu a trece diferente prueba riba mesa, y tabata tin casonan penal cu a sigui.
“ Mi ta kere cu ni cuanto conferencia di prensa e señora aki tene, ni cuanto e papia, e no por sconde ni tapa solo cu un dede. Esakinan ta pruebanan palpable, y ta djis un di nan”, mr. Bikker a subraya.

Lider di PDR a acentua cu esaki ta e file di “Nature development” di señor Sanders, pero tin otro tambe unda cu el a bay drenta den un acuerdo di erfpacht riba un tereno cu tin beslag riba dje.

Esaki ta cosnan cu no ta normal y ni cuanto cu e ex-minister bisa cu el a sigui e procesonan normal y cu el a haya conseho, esaki no a bay bon, y Parlamento mester wak kico no a bay bon y si ta lague para den futuro e desaroyonan aki ta sigui.

- Advertisement -

DUNA COMENTARIO

Please enter your comment!
Please enter your name here