Eugene Kingsale: “Si nos tur duna un man y stop di bringa otro, Aruba y nos tur ta yega hopi leu”
Minister Visser disgusta cu critica mahos y infunda riba Eugene Kingsale
ORANJESTAD (AAN): Minister di Deporte dr.Richard Visser a habri e rueda di prensa di ayera felicitando tur hende muhe riba nan dia. El a splica masha cortico mes encuanto e problema di obesitas y e solucionnan pa esaki, pero cu e lo amplia riba e asunto serio aki otro biaha. Minister Visser despues a bay di biaha over pa loke realmente tabata molestie. Banda di dje sinta tabata e pelotero Arubiano conoci mundialmente Eugene Kingsale. Minister Visser a bisa cu na Aruba nos mester cuminsa respeta y aprecia nos propio hendenan, nos propio profesionalnan, sigur ora nan kier haci algo back pa nan pais.
Den un medio di prensa Eugene Kingsale tabata blanco di critica mahos y innecesario. Esaki ta algo cu nos no mester acepta, ya cu e gran deportista yiu di tera aki hunto cu su fundacion “Eugene Kingsale Foundation” ta aki pa yuda y promove sin ningun interes propio e deporte di baseball pa hobennan talentoso Arubiano.
Riba invitacion di gobierno di Aruba Eugene Kingsale a tira un bista riba e veld di Winston cu ta bou contruccion actualmente pa wak condicion di e veld y sugeri gobierno kico ainda por worde haci y si e trabaonan eynan ta cuadra cu seguridad di esnan cu ta bay haci uso di e veld aki.
Despues di a inspecciona e veld, Kingsale a bin cu algun sugerencia pa gobierno con pa mehora e veld pa por haci uso optimal di dje.
Un avalancha di critica di un medio di comunicacion na adres di Eugene Kingsale tabata consecuencia di esaki.
Minister Visser tabata hopi indigna cu e atake aki y a bisa cu un blow riba Eugene Kingsale ta un blow riba henter Aruba.
Eugene Kingsale mes tambe a hiba palabra. El a cuminsa na bisa cu e kier ta bon cla pa tur hende cu e no ta un politico. Ta riba invitacion di Minister Visser el a bay haci inspeccion riba e veld di Winston y como un pelotero profesional el a manda su sugerencianan pa Minister Visser. Nada mas ni nada menos. “Mi no a critica ningun hende”, asina Eugene Kingsale a sigui splica.
“Mi ta e prome yiu di tera cu a hunga pa Grandes Ligas, prome na Merca despues na Hulanda. Dos biaha mi a participa na weganan Olimpico”, asina Kingsale a bisa prensa. Ademas e ta un persona cu a worde condecora door di La Reina.
Mirando tur su logronan y experiencia e no ta kere cu ta husto cu e ta worde yama un pelotero floho y fracasa. “Si nos tur duna un man y stop di bringa otro, Aruba y nos tur ta yega hopi leu”. Nos mes ta pone nos propio hendenan abou”, tabata palabranan di Eugene Kingsale ayera.
Como un yiu di tera cu a lanta, hunga, crece y biba aki e kier haci algo back pa su pais. E y su fundacion ta bay traha riba e veld banda di Baby Beach pa construye di tal forma cu hobennan di Aruba por cuminsa practica e deporte di baseball eynan. Tambe lo drecha e cancha di tennis eynan. Tur esaki ta plannan cu ainda ta den deliberacion, pero cu sigur lo worde ehecuta.
Roslin
Kingsale no bai riba kritica di hende bobo, si tanto experto ta tin na aruba di con ningun nunca a haci nada. For di Aruba i Hulanda tin hopi pero hopi hende cu lo para bo tras i bo ideanan. Esanan cu tin critica, bai pensa kiko bo a haci tur e anjanan pa bo lugar. Hopi succes pa bo Kingsale.
jeremy
Eugene pls laga nos sa unda ,ki dia, bo por mustra nos muchanan mas di basball, jeremy tin hopi talento y smaak pa sina mas…
Jeremy tin 8 ana y ta hungando den 9-10.
nos lo tei mesora…Danki. saludos.
waya
RASON BO TIN EUGENE! 100 PUNTU PABO NOS TIN KU STOP DI BRINGA OTRO Y YUDA OTRO NOS TUR TA BAI DILANTI SIGUR DEN BIDA!
Manolo
Sr. Kingsale por defende su mes sin yudanza di ningun minister. Sr. Visser mester cuminza tuma su obligacion como minister cu e seriedad necesario. nos tin cuater luna perdi riba tereno di salubridad.
delft brosis
Sa kaba King nos ta kem kem ku bo aki na tera frieuw di mes ta di DAKOTA bo ta sa kaba mi jave kwida nos ta topa ora bo subi bek tera frieuw
O
Increibel cu un instancia cu ta suposed di traha pa entre entro yuda hiba nos deportista nan na e nivel cu Eugene a yega of hera mas, por yega na insulta e mesun deportista nan di tal manera. Ademas ta wordo bisa: no ta nos intension di critica bo. Pero asina mes ta bay over na insulta. Si e insulto nan a djis wordo laga afor te hasta e argumentashon lo por a wordo consdidera como uno valido.
h.ignacio
Kingsale si bo traha ku un banco pa recauda fondo
mi ta kere si henter aruba por pone 1 florin of 50 cen den dos luna mi ta kere ku bo lo jega hopi
leu ku e ballpark.pasobra na aruba tin hende ta sali caja weekend gasta 100 florin ku mayan nan no sa unda eplaka abai. kingsale bo ta hopi conosi ami tabo mi ta bai busca sponser cuminsa
na hotelnan kaba na playa bo ta keda kla .danki