Home General Famia di defunto ta convenci cu tin di tres auto envolvi den...

Famia di defunto ta convenci cu tin di tres auto envolvi den e accidente

0
1
SHARE
- Advertisement -

famiawolterORANJESTAD (AAN): Sra Viveka Flanegin ta tanta di Wolter, kende den Rooi Barcadera a haya su mes den un accidente y a causa morto di dje y di su dos yiunan. Despues di e accidente investigacion a worde haci pero famia di e defuntonan no ta contento cu e resultado cu a worde duna na nan. Sra Flanegin ta trece padilanti cu te ainda tin yen di preguntanan habri ainda y sa bay puntra cuerpo policial di tur e informacionnan cu famianan mes a haya sa. Pero Cuerpo Policial no ta mira amplio, y ta mira solamente con nan ta mira e accidente y tampoco nan no a ni duna chens pa scucha famianan prome cu a finaliza e rapport, pa asina saca afo kico por a pasa.


Señora Flanegin ta duna di conoce loke a afecta famia masha hopi mes ta cu e subrino cu tabata coriendo patras di Wolter a mira un auto di polis na banda para pero despues cu e sucedido a pasa e patruya a desaparece y cada bes cu si mester bin cu e punto aki padilanti, Cuerpo Policial ta duna di conoce cu eigenlijk kico e polis tin di haber.

A pasa tres siman y no a tende tampoco unda e auto di e defunto ta. E subrino cu tabata patras di e defunto a wak e auto di polis pero Cuerpo Policial ta mane sconde cu e storia cu “e auto di polis no tin nada di haber”.

Pero segun Sra Flanegin, kizas e auto di polis ey por a yuda cu algo di e investigacion of si e por a wak algo mas. E resultado final ainda famia no a tende nada di dje , pero sr Orman di cuerpo policial a bisa famia cu por wel di ta, cu e tire a rementa. Unico cos cu nan ta tende ta “por ta”, y nada concreto.

A confirma cu famianan mes a cuminsa investiga di nan mes y na unda cu a bay na bisiñanan den vecindario. Bisiñanan a conta famia cu nan a tende dos sla y mesora nan a bay na e auto y Wolter tabata na bida ainda pero el a hala solamente dos rosea y a fayece di biaha y na unda cu su man a bay cai pafo di e bentana.

Pero esey tambe polis a duna di conoce cu porta Wolter tabata core cu su mannan afo. Pa Cuerpo Oolicial tur cos na e momentonan aki ta por ta no tin nada concreto.

Sra Flanegin ta trece padilanti cu e hendenan cu conoce Wolter sa cu e no ta huma, ni bebe y no ta droga pero tog autoridadnan na e momento ey a opta pa tuma sanger di Wolter y wak si e ta bao di influencia. Nan a haci esey, pero no a check e otro chofer di e Kia Opirus.

Famia ta kere cu na hospitaal a haci tur e exsamennan cu ne pa mira tambe den ki circuntancia e tabata coriendo auto na e momento ey. Famia ta acepta cu Wolter tabata fout paso e a bay riba e otro banda… pero “e pakico” te ainda famia no sa, siendo cu e bisiñanan a duna di conoce cu nan a scucha dos sla cu ta lanta sospecho cu kizas tin un otro auto envolvi cu te ainda no por haya.

Sra Flanegin ta kere cu Cuerpo Policial kizas por search un tiki mas. Tambe a ser puntra na cuerpo policial pa haci un suplica na comunidad cu si nan por a mira algo di e accidente aki pa nan bin dilanti pero esaki a worde haci solamente un biaha unda sr Comenencia a haci peticion na comunidad, pero despues di esey ningun hende no ta tende nada mas.

Awor si no ta yega na un conclusion, mester keda haci esfuerzo pa haci yamada publicamente paso pueblo ta kere cu cuerpo policial a caba cu su investigacion y siendo cu esey no ta cuadra cu berdad y no ta tende nada mas despues.

Bida ta sigui y tur hende ta bay lubida riba e accidente, pero ningun hende no ta imagina cu cuanto dolor e famia ta keda atras cu tur e preguntanan cu ta keda atras, cu e sosten cu e famia ta spera di haya di cuerpo policial.

Nan ta bisa cu e trato cu Cuerpo Policial ta duna den e casonan aki por ta mihor. Deseo di famia di Wolter ta pa husticia prevalece y pa e berdad sali afo paso ta tres miembro di famia a bay den un solo tiro y e ta haci hopi dolor. Famianan ta para ariba cu tin un tercer hende envolvi den e accidente y no ta acepta cu ta e tire a rementa.

- Advertisement -

1 COMMENT

  1. Mi ta compronde Sra Flanegin siguer cu si… ta mescos di e 4 mucha homber nan cu a hanja accident 26 december na anja 2000… Hopi pregunta a keda tras riba e rapport di polis cu e mayornan di e 4 defuntonan cu a bai laga nos sin sa siguer kiko a pasa… Hopi cos a wordo papia pero e berdad siguer nunca nos lo hanja sa… ta awe e pregunta ta ken tabata na stuur? Te awe ninguen di e famia sa esei… pero nan sa si cu nan a sera e caso paso siguen nan e rapport ta Okay… no por !!! Berdad bida ta sigue pero dolor di famia semper ta keda tras…

DUNA COMENTARIO

Please enter your comment!
Please enter your name here