Home Estilo Fanaticonan Di Arte Y Biña Sperando Riba Festival Na Westin

Fanaticonan Di Arte Y Biña Sperando Riba Festival Na Westin

0
0
SHARE
- Advertisement -

wine_festival_100ORANJESTAD (AAN): Westin Aruba Resort Lo Ricibi Expertonan di Binja, Amantenan di Cuminda y Aficionadonan di Arte, durante Aruba su di Seis Festival Anual di Binja, Cuminda & Arte.     Festival di Tres Dia ta Inclui Exhibicionnan di Arte, Purbamento di Binja, Chefnan Renombra y Entretenimento Continuo.

   Westin Aruba Resort lo tene su di seis Festival Annual di Aruba Binja, Cuminda & Arte, dia diahuebs, 3 di Juni pa diasabra, 5 di Juni, 2010. E festival aki di tres dia lo inclui entretenimento musical en bibo, exhibicionnan di arte, cuminda excepcionalmente elegante ofreci pa chefnan renombra, importadornan local y internacional di di liquor y binjeronan representa pa seis diferente pais.

Ademas di esaki, Aruba su comunidad artistico lo presenta su di cuater exhibicion anual, organiza pa by Jan van der Straten di e Galeria di Arte di Westin Aruba. E Daniel Aguirre Jazz Band lo provee e entretenimento musical.

“Westin Aruba Resort ta deleita pa por tene Aruba su Festival di Binja, Cuminda & Arte pa e di seis aña tras di otro,”tabata e palabranan di Richard Roy, Gerente General, Westin Resort Aruba. “Ta un honor pa ta parti di e evento cultural aki cu ta celebra arte local, cuminda delicioso, musica di e isla y binjanan y liquornan internacional di alta calidad.”

Durante e ultimo dia di e festival, bishitantenan por deleita nan bocanan door di purba e menu sofistica di cinco plato cu lo worde crea pa e chefnan celebridad invita. E cena lo combina perfectamente cu e champanjanan di Moët & Chandon y Dom Pérignon.

Informacion adicional pa loke ta e Aruba Festival di Binja, Cuminda & Arte ta lo siguiente:

Diahuebs, 3 di Juni, 6:00 p.m. – 11:00 p.m.:

Purbamento di Binja & Cuminda & Exhibicion di Arte

Competencia di Miho Chef. Un cena special lo worde sirbi den Pago Pago pa Aruba su top chefnan. Cada chef lo prepara un plato signatura y combina esaki cu un seleccion special di binja. Un premio lo worde otorga na final di e anochi na e chef cu e presenta e plato di “People’s Choice”. Carchinan ta obtenibel na e concierge desk di Westin Aruba Resort durante e siman pa $85 pa persona.

Diabierna, 4 di Juni, 7:00 pm. – 11:00 p.m.:

Purbamento di Binja & Cuminda & Exhibicion di Arte

E evento aki cu ta permiti bo di come y bebe cuanto cu bo kier ta organiza pa Chef Matt Boland y e Ekipo Culinario di Westin Aruba Resort. Aruba su comunidad di artistanan lo presenta e di cuater exhibicion anual, organiza pa Jan van der Straten di e Galeria di Arte di Westin Aruba. Bishitantenan ta encurasha pa purba mas di 60 variedad di binja na glass, for di Merca, Italia, Francia, Australia, Chile y Argentina, den colaboracion cu e isla su importadornan di liquor.

E Daniel Aguirre Jazz Band lo provee e entretenimento den trancurso di e evento. Carchinan di entrada general lo ta na benta na porta, pa $35 pa persona.

Diasabra, 5 di Juni, 7:00 p.m. – Media Nochi:

Capturando e Briyo di Champanja

E gala ta ofrece un menu exkisito di cinco plato crea pa chefnan celebridad cu a worde invita specialmente pa e festival. E cuminda lo ta companja pa champanjanan di Moët & Chandon y Dom Pérignon. Un subaste di arte y binja lo sigui den e Coffee Lounge cu Grand Marnier Liquor y Cognacnan di Hennessy. Carchinan ta obtenibel na e Westin Aruba Resort concierge desk durante e siman

- Advertisement -

DUNA COMENTARIO

Please enter your comment!
Please enter your name here