ORANJESTAD (AAN): En conexion cu e celebracion di Dia di Himno y Bandera Juliana School lo tene su ya conoci FERIA ARUBA.
Lo bay tin e aña aki no menos cu 20 stands cu proyectonan cu tin di haber cu Aruba. Por ehemplo Aruba y su Turismo, Aruba y su Cultura, Nos Industrianan, Nos Cumindanan etc.
E alumnonan di 2de klas MAVO ya ta preparando pa e feria aki pa varios luna caba.
Meta di e FERIA ARUBA ta pa e studiantenan sinja conoce mas di nan isla door di haci diferente research pa di es manera aprecia y stima nan isla mas.
Tambe pa sinja traha hunto y comparti informacionnan valioso cu otro.
E FERIA ARUBA lo ta diabierna 12 di maart 2010 na Juliana School mes.
E orario lo ta di 5 or di atardi pa 8 or di anochi.
Un y tur ta keda cordialmente invita especialmente mayornan, famia, ex-alumnonan y e pueblo en general.
