Home Cultura Festival Himno Y Bandera Ta Honra Jovencito Denny Loefstop

Festival Himno Y Bandera Ta Honra Jovencito Denny Loefstop

3
0
SHARE
- Advertisement -

Denny1ORANJESTAD- Ta un tradicion cu Fundacion Un canto Pa Aruba y Su Himno y Bandera ta reconoci  un joven  cu e premio stimulacion . Cu tur respet pa musiconan akin a Aruba, Fundacion a tuma e decision pa reconoce  Jovencito  bagista Denny Loefstop.  

 

 

Denny a cuminsa di hopi chikito cu interes pa musica y tabata compaña su tata, ora cu por, bay toca. Na edad di 4 anja e a cuminsa experimenta cu differente instrument manera piano, guitarra y baho. Cu su 5 anja Denny a cuminsa toca, bao guia di su tata, canticanan simpel arriba baho. Na edad di 8 anja e a cuminsa bay les na Arubaanse Muziek School bao guia di Sr. Federico Martis. Akinan e a bay varios anja les y a toca varios biaha den concierto den Cas di Cultura y na Plaza Betico Croes.

Actualmente  Denny ta hajando les di baho for di Sr. Frankie Yanga.

Banda di ta toca musica moderno, Denny semper a y ta participa den e musica tipico di Aruba. For di edad hopi jong, e  a participa den festivalnan di musica tipico na Tanki Leendert no solamente como bahista pero tambe como cantante.

Denny a participa tambe dos biaha como bahista na festival Un Canto pa nos Himno y Bandera acompañando Sr. Frenk Kock. E anja aki tambe Denny ta participa como bahista den e festival grandi y esun di mucha.

Tambe Denny a toca dos biaha den festival di dande y musica tipico junto cu e grupo Tico y sus Estrellas, y den e festival di dande y musica tipico di mucha cu Los Sobrinitos.

 

Den e temporada di fin di anja Denny ta toca cu Los Sobrinitos bao guia di Milly y Uka Hernandez. Tambe Denny ta toca den koor “Dios cu Nos” na misa di Paradera. Ora cu e horario y e lesnan di scol permiti, Denny ta toca tambe cu Reflexion Band.

 

Denny su amor y dedicashon na muziek ta grandi y e ta pasa hopi ora, despues di huiswerk, ta train y ta experimenta cu su instrument preferi esta e baho.

Tras di Denny tin hopi personanan cu a y ta dune guia y sosten.

Diadomingo  siete di Maart durante e festival na Centro di Bario Tanki Lender lo honra e jovencito Denny Loefstop den un ceremonia  special.

- Advertisement -

DUNA COMENTARIO

Please enter your comment!
Please enter your name here